Mijëra persona të shurdhër në Maqedoninë e Veriut privohen nga thuajse të gjitha shërbimet publike, ata nuk munden as t’i ushtrojnë të drejtat e tyre e as t’i kryejnë obligimet për shkak se institucionet shtetërore nuk kanë interes të punësojnë përkthyes të gjuhës së shenjave, të cilët edhe pse janë pak në numër, jo të gjithë janë të punësuar. ALSAT gjatë këtij muaji është interesuar në qoftë se komunat më popullsinë më të madhe në vend, kanë të punësuar persona që njohin gjuhën e shenjave dhe rezultoi që në komunën e Tetovës, Manastirit, Aerodromit, Gazi Babës, Prilepit, Gostivarit dhe Çairit nuk ka të punësuar person për këtë, gjë që automatikisht përjashton këtë kategori qytetarësh nga e drejta për shërbime komunale.
Problemi thellohet kur kësaj kategorie të qytetarëve ju shfaqet nevoja për të vizituar mjekun. Pas shumë tentativave, dy përkthyesve të gjuhës së shenjave të angazhuar nga ana e ministrisë së Shëndetësisë nuk ju është vazhduar kontrata. Nga Shëndetësia arsyetohen me atë se nuk kanë të siguruara mjete financiare për ata, presin miratim nga ministria e Financave.
Valentina Volak është një ndër përkthyeset e licencuara të gjuhës së shenjave që çdo ditë komunikon me persona të shurdhër, thotë se angazhimi i përkthyesve të gjuhës së shenjave në institucionet publike nuk do t’i kushtonte shtetit asgjë, por përkundër kësaj, deri tani kanë marrë vetëm premtime të rreme.
“Realisht, unë këtë punë e bëj me vite, pra janë ndryshuar përfaqësuesit shtetërorë, kur ju kemi treguar atyre për nevojat tona, asnjëri nuk na ka thënë: Jo!, por të gjithë tregoheshin të shqetësuar për atë se si të zgjidhet ky problem, por me siguri edhe nuk ju kemi bë presion sa duhet, gjithashtu edhe këto turbulencat shoqërore që ndodhin, sapo miqësohesh me një ministër dhe krijon lidhje, ai ndryshohet për arsye të ndryshme dhe duhet nisur nga fillimi. Pra nuk flasim për diçka luksoze, kjo ka lindur prej nevojës, hallit të një grupi të qytetarëve të cilët paguajnë taksa, shkojnë në punë, jetojnë mes nesh”, tha Valentina Volak, përkthyese e gjuhës së shenjave.
I riu Pande Eftimov bashkë me miq vendosën të mos qëndrojnë duarkryq përballë sfidave të personave të shurdhër, ata arritën të bindin ministrin e Shëndetësisë për angazhimin e dy përkthyesve të gjuhës së shenjave si dhe të vetëdijësojnë shoqërinë për problemet e tyre përmes fushatës në rrjetet-sociale.
“Institucionet duhet të ndërmarrin hapa për zgjidhjen e problemeve të personave të shurdhër sepse kjo është shumë e rëndësishme për këtë kategori të margjinalizuar të njerëzve dhe jo vetëm partitë politike apo personat kompetent, por i gjithë publiku duhet ta dijë se personat e shurdhër duhet të kenë shërbime publike më të qasshme, qoftë në arsim apo shëndetësi, me qëllim që të përmirësohet situata me ata”, u shpreh Pande Eftimov, organizata joqeveritare Forumi Rinor Arsimor.
Ndryshe, edhe pse në vend ka rreth 30 përkthyes të gjuhës së shenjave të licencuar, pjesa më e madhe prej tyre detyrohen të bëjnë punë tjera për shkak se nuk arrijnë të gjejnë punë në këtë fushë. Ndërkaq përveç kësaj, personat e shurdhër përballen edhe me cilësi të dobët të arsimit./Alsat.mk
Promo
Reklamo këtuLufta Prigozhin - Putin
Më shumëNga Rubrika
Pas dështimit të anëtarësimit në KiE, Krasniqi: Ditë e hidhur për Kosovën – zgjedhjet e parakohshme janë të domosdoshme
Gjykata Administrative hodhi poshtë padinë e “Frontit Evropian” për vendvotimin në Krushevë
Miratohet lista zyrtare, qytetarët do t’i blejnë barnat me çmim të njëjtë në të gjithë Kosovën
Miratohet lista zyrtare, qytetarët do t’i blejnë barnat me çmim të njëjtë në të gjithë Kosovën
Kosova nuk hyri në agjendë të Komitetit të Ministrave, arsyetohet ministrja Gërvalla: Letrës me ofertën për draft-statutin e Asociacionit i ka humbur relevanca
KiE thotë se po shqyrton se si të procedojë për rastin e Kosovës
Meta ia uron ditëlindjen presidentes Osmani: Nuk është vetëm shtylla e juaj i dashur Prindon!
Gjykimi i serbit të dyshuar për krime lufte në Vushtrri, dëshmitari thotë se të akuzuarin e pa në vendin ku u vra një plak
Dështimi i anëtarësimit të Kosovës në KiE, Çitaku: Fitoi pushteti, jo shteti
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Vetëm dy vende do të mbijetonin pas apokalipsit bërthamor - çka do t'i shpëtonte këto shtete
"Pulë me të huaj dhe skifter me të vetët”, Alizoti: Rama duhet ta kishte përqafuar Kurtin
BE reagon për draft statutin e paralajmëruar nga Kosova për Asociacionin
Politikani serb: Kam bërë padi në GjND për krimet serbe ndaj shqiptarëve të Kosovës
Zbardhet aktiviteti i atentatorit të kryeministrit sllovak - ishte pjesë e një grupi pro-rus
Amerikani bleu një magazinë të vjetër për 380 euro - ajo çfarë gjeti në të është një pasuri e vërtetë