Përse marrja e rreziqeve është thelbësore për të pasur sukses në jetë?

Ata që zgjedhin të marrin një rrugë të sigurt në jetë, kanë më pak mundësi të shënojnë sukses në jetë. Nëse Mark Zuckerberg nuk do të merrte rreziqet e veta përderisa ishte duke studiuar në Universitetin e Harvardit, ai nuk do të kishte lansuar rrjetin social më të suksesshëm në botë për momentin, Facebook-un.

Nëse ai do të kishte zgjedhur një rrugë të sigurt, ai tani do të kishte përfunduar shkollën dhe do t’i ishte bashkuar ndonjë kompanie si punëtor, e jo si lider, transmeton Telegrafi.

Duke theksuar rëndësinë e marrjes së rreziqeve në jetë, drejtori i Facebook njëherë kishte thënë, “Rreziku më i madh është të mos merrni asnjë rrezik! Në një botë që po ndryshon shumë shpejt, strategjia e vetme që garanton se do të dështoni është mos marrja e rreziqeve.”

Guximi dhe pasioni i tij për punë e kanë bërë atë një ndër njerëzit më me ndikim në botë.

Prandaj, nëse dëshironi t’i jetoni ëndrrat, duhet të shkoni në një rrugë e cila nuk është e njëjtë me të zakonshmen. Duhet të ndërmerrni rreziqe!

Marrja e rreziqeve ndihmon ta tejkaloni frikën e dështimit

Frika e dështimit është pengesa më e madhe në rrugëtimin tuaj drejt suksesit. Shumica e njerëzve i lënë idetë në gjysmë pasi që janë të frikësuar se do të dështojnë. Sidoqoftë, këtë frikë mund ta mposhtni vetëm duke marrë rreziqe.

Duhet të mësoni nga gabimet

Nëse eksperimentoni me gjëra të reja, mundësitë janë të mëdha se do të bëni gabime. Gabime të tilla do t’ju mësojnë t’i zgjidhni problemet të cilat bëjnë t’i arrini gjërat që dëshironi. Ju mund të bëheni mësues i vetvetes!

Marrja e rreziqeve shpinë në më shumë mundësi të hapura…

Duhet të bëni ndryshe nga të tjerët për të arritur atë që tjerët nuk e kanë. Kjo përfshinë marrjen e rreziqeve që ju krijojnë mundësi të reja. Në vend se ta cilësoni marrjen e rreziqeve si rrugë drejt dështimit, më mirë shiheni atë si mundësi për të shënuar sukses.

Përmirëson nivelin e vetëbesimit

Marrja e rreziqeve do t’ju mësojë t’i besoni vetvetes në talentin që keni. Do të mësoheni si të luftoni me pengesat dhe ta “shtroni” rrugën tuaj! Përmes këtyre mënyrave do të bëheni të pavarur dhe do të përmirësoni nivelin e vetëbesimit. /Telegrafi/