Prapë duhet të vendosim maska? Edhe nëse jemi të vaksinuar?
Për një pjesë të madhe të Shteteve të Bashkuara, kjo është këshilla e fundit nga Qendrat për Kontrollin dhe Parandalimin e Sëmundjeve (CDC).
CDC i ka përditësuar udhëzimet për maska këtë javë, për të frenuar përhapjen e coronavirusit.
Ndryshimi vjen vetëm dy muaj pasi CDC-ja ka konstatuar se njerëzit e vaksinuar plotësisht nuk kanë më nevojë të veshin maska në ambiente të brendshme publike.
Që atëherë, agjencia po ashtu ka thënë se të rriturit dhe adoleshentët e vaksinuar, nuk kanë nevojë t’i veshin maskat as në kampe apo shkolla verore.
Çfarë ka ndryshuar?
Zyrtarët e CDC-së kanë njoftuar se njerëzit që janë plotësisht të vaksinuar, duhet t’i rikthehen vendosjes së maskave në ambiente të mbyllura, nëse jetojnë në zona ku infektimi me coronavirus po rritet. Këto zona aktualisht përbëjnë pjesën më të madhe të SHBA-së, ose më shumë se 60% të qarqeve amerikane. Maskat, në përgjithësi, nuk janë të nevojshme jashtë.
Agjencia gjithashtu ka thënë se të gjithë mësuesit dhe nxënësit duhet të veshin maska në shkolla, pavarësisht nëse coronavirusi është në rritje në komunitet ose jo.
CDC-ja nuk ka qenë e para që ka bërë thirrje për kthimin e maskave. Javëve të fundit, disa qytete amerikane kanë sjellë rregulla për veshje të maskave në ambiente të brendshme.
Përse ky ndryshim?
E gjitha është për shkak të versionit më ngjitës të coronavirusit, Delta, ka thënë CDC.
Ky variant po nxit rritjen e numrit të rasteve në pjesën më të madhe të SHBA-së dhe tani përbën më shumë se 80% të infeksioneve.
Zyrtarët e CDC-së kanë thënë se informacionet e reja në lidhje me përhapjen e tij, i kanë detyruar ata të ndryshojnë qasje.
Pjesa dërrmuese e infeksioneve të reja në SHBA vazhdon të jetë midis njerëzve të pavaksinuar.
Rrallë, disa njerëz të vaksinuar përfundojnë si të infektuar, megjithëse vaksina zbut goditjen dhe në përgjithësi mbron nga simptoma të rënda.
Më herët, njerëzit e vaksinuar dhe të infektuar kanë pasur nivele të ulëta të virusit dhe nuk kanë pasur shumë gjasa ta përhapin atë, ka thënë drejtoresha e CDC-së, Rochelle Walensky.
Por, të dhënat e reja tregojnë se ky nuk është rasti me variantin Delta. Njerëzit e vaksinuar “kanë potencial ta përhapin virusin te të tjerët”, ka thënë ajo.
Çfarë nuk ka ndryshuar?
Udhëzimet për këdo që nuk është vaksinuar kundër coronavirusit mbeten të njëjta: Maskat rekomandohen brenda, pothuajse kudo.
Të gjithë – pavarësisht nga vaksinimi ose vendndodhja – duhet të mbajnë maska kur janë në aeroporte ose stacione treni, ose kur hyjnë në autobusë, trena ose transporte të tjera publike.
Spitalet, dyqanet dhe bizneset gjithashtu mund të kërkojnë maska.
CDC-ja nuk e ka ndryshuar shprehimisht udhëzimin për kampet verore, sepse sezoni po mbaron dhe shkollat do të hapen së shpejti.
Ku janë vatrat?
Udhëzimi i ri është për zonat me përhapje të konsiderueshme ose të lartë të coronvirusit, të cilat i tregon CDC-ja përmes hartës.
Sipas CDC-së, shkallët e rasteve të reja janë veçanërisht të larta në jug dhe jugperëndim të SHBA-së.
Dhe, normat janë të larta në të gjitha qarqet, përveç disave në Alabama, Misisipi dhe Misuri. /Rel/
Promo
Reklamo këtuLufta Prigozhin - Putin
Më shumëTjetër fitore për Ukrainën: Rusia tërheq nga vijat e frontit dhjetëra aeroplanë luftarak
Shikoni videon që riktheu shpresën në Kiev, 42 tanke dhe mjete luftarake ruse shkatërrohen në Donetsk
SHBA-ja përgjon aeroplanët rusë
"Po na djegin, ju lutem na ndihmoni", rusët nuk kanë zgjidhje për sulmet me dronë të ukrainasve
DASH i zhgënjyer me propozimet për qeverinë e re të Serbisë, Vuçiq thotë se atë "e zgjedhin qytetarët"
Borrell e uroi qeverinë e re serbe, eurodeputeti gjerman nuk përmbahet: Si mund ta bëjë një budallallëk të tillë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City