Perisic dëshiron të largohet nga Tottenhami dhe të kthehet te Interi

Ivan Perisic thuhet se do të largohet nga Tottenham Hotspur pas vetëm një sezoni dhe dëshiron të kthehet në Inter.

Sipas gazetës italiane Tuttosport, kroati mund të largohet nga Londra e Veriut pas një sezoni të dobët në Ligën Premier, ë të cilin Spurs aktualisht janë jashtë top katërshes.

Largimi i Antonio Conte në mars, njeriut që solli Perisic në Tottenham, vetëm sa ka rritur gjasat që 34-vjeçari të mos luajë për Spurs sezonin e ardhshëm.

Ky medium pretendon se Perisic mund të ndikohet nga nostalgjia e kohës së tij me Nerazzurrët, pasi kishte fituar një Scudetto dhe Coppa Italia në dy vitet e fundit të qëndrimit të tij prej gjashtë sezoneve në Giuseppe Meazza.

Interi thuhet gjithashtu se shpreson të ulë koston e përgjithshme të pagave të lojtarëve, por megjithatë të mbajë nivelin e konkurrencës brenda skuadrës, gjë që mund ta bëjë Perisic, në moshën 34-vjeçare, një perspektivë interesante për sezonin e ardhshëm.

Në rast rikthimi të Perisic, emri që rrezikon të largohet është Robin Gosens, i cili ka pasur ulje-ngritje që nga transferimi i tij nga Atalanta dhe largimi i tij mund të sjell rreth 20 milionë euro në arkat e klubit. /Telegrafi/