Përfundon pjesa e parë e finales së Ligës së Kampionëve mes Man Cityt dhe Interit

Ka përfunduar pa gola pjesa e parë e finales së Ligës së Kampionëve në mes të Manchester Cityt dhe Interit.

Finalja që nisi në ora 21:00, solli një lojë të kujdesshme nga të dyja anët, por Nerazzurët kishin një start befasues, pasi dilnin më shpesh përpara.

Rasti i parë serioz ishte në minutën e 27-të, kur Erling Haaland ishte afër të shënonte, mirëpo Andre Onan bëri një pritje fantastike.

36. CITY SUB | Phil Foden comes on for KDB 🔄

🔵 0-0 ⚫️ #ManCity | #UCLfinal pic.twitter.com/WvIISJRkD8

— Manchester City (@ManCity) June 10, 2023

Më pas, Manchester Cityt pësoi një moment shokues, kur u detyruan të bënin zëvendësim të detyrueshëm, pasi Kevin de Bruyne u detyrua të lëshonte fushën.

Belgu pësoi një zgjatje të muskulit, ndërsa në vend të tij u fut Phil Foden (36’).

Interi ia doli të mbahej mirë, përkundër një dominimi të lehtë nga skuadra angleze, duke bërë që pjesa e parë të përfundonte pa gola.

Si lotta su ogni pallone 💪#ForzaInter #UCL #UCLFinal #ManCityInter pic.twitter.com/Cro3d2LqUL

— Inter ⭐⭐ (@Inter) June 10, 2023

Me gjasë në 45 minutat e dytë do të ketë gola, duke parë intensitetin e lartë të lojës që zhvilluan dy ekipet.

Por, padyshim se Man City dhe Interi do të duan të shmangin kohën shtesë, aq më pak edhe penalltitë. /Telegrafi/