Përfaqësuesja e basketbollit Kosova U-15 bën stërvitje intensive për turneun ndërkombëtar në Prishtinë

Basketbollistët e Kosova U15 prej ditës së hënë e deri të premten do të zhvillojnë stërvitje intensive në mënyrë që të përgatiten sa më mirë për turneun ndërkombëtar që do të organizohet prej 6 deri më 8 prill në Prishtinë, në kuadër të projektit për Zhvillim të Gjeneratave të Reja të FIBA Evropës.

Në këtë turne do të marrin pjesë edhe Bullgaria, Maqedonia dhe Rumania.

Stërvitjet do të mbahen në palestrën e kolegjit “ISP” në lagjen “Marigona Residence”, aty ku edhe do të zhvillohet turneu.

Njëherësh ky është aktiviteti i fundit i këtij projekti dyvjeçar, në të cilin marrin pjesë edhe Bullgaria, Maqedonia dhe Rumania, derisa në vizitë do të jetë edhe një delegacion i Federatës Turke të Basketbollit, pasi që kjo e fundit është edhe udhëheqëse e projektit.

Kryetrajnerit Ibrahim Karabeg, do t’i asistojnë trajnerët Lorik Kllokoqi dhe Gyltekim Selimi.

Në kuadër të këtij projekti janë organizuar kampe nacionale, kampe ndërkombëtare, vizita të trajnerëve në Turqi, turne të ndryshëm, dhe tani është radha e përmbylljes së projektit dhe evaluimit të tij nga menaxherët e katër federatave, e kjo do të ndodh në Prishtinë gjatë zhvillimit të turneut.

Gjeni më poshtë listën e Kosova U-15:

1. Don Polloshka
2. Adrian Kika
3. Albin Berisha
4. Blend Mehana
5. Drilon Shala
6. Dion Sheqiri
7. Bledar Thaqi
8. Fisnik Kraki
9. Genis Mati
10. Renat Berisha
11. Enis Morina
12. Shpat Mustafa
13.Shpat Syla
14. Nart Jashari
15. Drinor Gashi