Për kremtime, ditëlindje, festa: Si ta shtroni tryezën në mënyrë korrekte

Keni investuar përpjekje dhe keni përgatitur specialitete të shijshme. Tani është koha për ta shijuar një tryezë të shtruar në mënyrë të përsosur

Nuk ka rëndësi nëse keni mysafirë apo dëshironi të përgatitni një drekë më festive për të dashurit tuaj, rregullimi i saktë i garniturave të ushqimit do t’i japë një notë të veçantë vaktit, transmeton Telegrafi.

Në mes janë pjatat, të rregulluara ashtu siç shërbehet ushqimi (meze, supë, gjellë). Thika vendoset në anën e djathtë të pjatës, ndërsa piruni në anën e majtë. Luga shkon nga ana e djathtë e thikës në pjesën e jashtme.

Dorezat e garniturave duhet të jenë të drejtuara nga skaji i tryezës, ndërsa tehu duhet të jetë i drejtuar nga pjata.

Nëse shërbejmë peshk si meze, është e nevojshme të vendosni garniturë speciale për peshk, një pirun në të majtë të pjatës nga jashtë dhe një thikë në të djathtë, midis lugës dhe thikës për pjatën kryesore.

Lugët dhe pirunët e vegjël për ëmbëlsirë vendosen në anën e sipërme të pjatës në mënyrë që doreza të jetë e drejtuar nga dora e djathtë.

Pecetat, të cilat zakonisht janë të bardha, vendosen në pjatë. Pecetat nuk janë një luks, por shërbejnë për të mbrojtur rrobat nga njollat dhe për të fshirë duart dhe gojën pas ngrënies.

Mbi pjatë gjendet garnitura e ëmbëlsirave. E njëjta gjë vlen edhe për gotat, kur shërbehen lloje të ndryshme të verës.

Pjata e vogël e bukës ndodhet në anën e majtë, pranë së cilës mund të vendoset një thikë e vogël, e cila përdoret për përhapje të mundshme (të gjalpit, kremit, etj.).

/Telegrafi/