Pep Guardiola mbron Barcelonën për ‘rastin Negreira’ pasi Joan Laporta u akuzua për ryshfet

Pep Guardiola thotë se Barcelona duhet të konsiderohet si e pafajshme derisa të provohet fajësia pasi Joan Laporta u akuzua për ryshfet për rastin Negreira.

Guardiola ishte trajner i Barcelonës midis 2008 dhe 2012, kohë në të cilën klubi pretendohet se ka bërë pagesa në drejtim të ish-shefit të gjyqtarëve, Jose Maria Enriquez Negreira.

Guardiola, i cili e udhëhoqi Barçën drejt tre titujve të njëpasnjëshëm të La Ligas dhe dy të tjerë të Ligës së Kampionëve në katër vitet e tij në krye, këmbënguli se suksesi i skuadrës së tij nuk kishte të bënte me gjyqtarët.

Lexo po ashtu Guardiola e di se kush do të jetë trajneri i ardhshëm i Man Cityt

“Nuk e keni parë sa i mirë ishte ky ekip, ishte një skandal sa mirë luajtëm”, ka thënë Guardiola në një konferencë për shtyp.

“Kur të ketë një dënim do të jap mendimin tim. Barça është e pafajshme, Laporta është i pafajshëm, derisa të vërtetohet e kundërta”.

Laporta, i cili ishte president midis 2003 dhe 2010 dhe u kthye në këtë rol në vitin 2021, është akuzuar si i përfshirë në kryerjen e pagesave, të cilat Barça pretendon se ishin thjesht për Negreiran që ai  të përpiloj raporte mbi gjyqtarët.

Lexo po ashtu Mikel Arteta zbulon mesazhin e Pep Guardiolës pasi mposhti Man Cityn

Guardiola rikthehet në aksion me ekipin e tij Manchester City këtë vikend, teksa ata do të presin në vikend ekipin e Brighton./Telegrafi/