LAJMI I FUNDIT:

Pendarovski: Duhej të niste lufta në Ukrainë që BE-së t’i kujtohej Ballkani Perëndimor!

Pendarovski: Duhej të niste lufta në Ukrainë që BE-së t’i kujtohej Ballkani Perëndimor!

Janë nënçmuese kritikat që vijnë nga SHBA-të dhe BE-ja, por edhe ata bënë gabim strategjik dhe harruan Ballkanin Perëndimor – thotë Presidenti Stevo Pendarovski në intervistën për Radion Evropa e Lirë. Ai, sic percjell KlanM, në këtë intervistë është prononcuar për situatën në gjyqësor, dekretimin e ligjeve për Korridorin 8 dhe 10D, por edhe për situatën në Kosovë.

Presidenti Stevo Pendarovski nuk beson në forma të reja të asociimit dhe anëtarësimit në Bashkimin Evropian duke komentuar planet e reja të zyrtarëve të BE-së dhe Presidentit francez Emanuel Macron për zgjerimin e BE-së me vendet e Ballkanit Perëndimor, njofton KlanM.

“Qytetarët e RMV-së janë të lodhur nga metodat e reja të anëtarësimit në BE. Presidenti Macron para tre viteve kërkoi metodologji të re. Thoshte se do të përparoni klaster pas klasteri, nuk do të prisni deri në moment të fundit. Fatkeqësisht deri në këtë moment, dy vendet e Ballkanit Perëndimor, Serbia dhe Mali I Zi, që janë në proces negociues më shumë se një dekadë, nuk kanë nisur negociatat me metodologjinë e re” – tha Pendarovski.


Presidenti Stevo Pendarovski, sic percjell KlanM, pranon se për shkak të luftës në Ukrainë, ekziston momenti dhe motivacioni për zgjerimin e BE-së. Por ai pyet Brukselin, se çfarë do të ndodh nëse nesër ndërpritet lufta në Ukrainë?

“Nëse duhet të presim luftë në Evropë, juve t`ju kujtohet Ballkani Perëndimor se duhet pas shumë dekadave formalisht të bëhet pjesë e BE-së, druaj se ky lloj rezonimi nuk ka qenë asnjëherë karakteristikë e BE-së. Ky lloj rezonimi gjeostrategjik është specifikë e NATO-s. BE-ja gjatë historisë ka pasur profil ndryshe të kritereve. Dhe, nëse filloni t`i ngjani NATO-s, cfarë bëjmë nëse ajo luftë ndërpritet me marrëveshje paqe? Nuk dua ta shoh momentin e anëtarësimit të Ballkanit Perëndimor por edhe RMV-së në BE, vetëm se diku në Evropë ka luftë” – tha Pendarovski.

Presidenti Pendarovski në intervistën për Radion Evropa e Lirë thotë se me vëmendje po ndjek zhvillimet në Kosovë, pasi janë 65 ushtarë të RMV-së atje. Sipas Presidentit, sic percjell KlanM, nëse RMV-ja kontribuon për stabilitetin e Kosovës, këtë e bën për shkak të stabilitetit dhe sigurisë në vend.

“Vlerësimet e NATO-s janë se, në veri të Kosovës, situata kohë pas kohe do të tensionohet, mirëpo trupat e Aleancës që ndërkohë do të përforcohen janë të mjaftueshme që të mos lejojnë derdhjen e jostabilitetit në pjesë tjera të Kosovës, e aq më pak të vijnë tek ne apo në ndonjë pjesë tjetër të rajonit” – deklaroi Pendarovski.

Presidenti Pendarovski, në intervistën për Radion Evropa e Lirë, sic percjell KlanM, ka deklaruar se është i vetëdijshëm për fenomenin e presioneve në sferën e gjyqësorit dhe prokurorisë edhe pse personalisht nuk ka njohuri për shembuj konkret. Mënyra e përmirësimit të situatës në gjyqësor, që ka nivel shumë të ulët besueshmërie tek qytetarët, sipas Presidentit, është që politikanët të japin shembuj dhe të mos intervenojnë për raste të caktuara.

Në trend Lajme

Më shumë
Sulmoi nxënësit brenda shkollës në Suharekë, publikohet momenti kur polici vrau qenin

Sulmoi nxënësit brenda shkollës në Suharekë, publikohet momenti kur polici vrau qenin

Lajme
Disa gjyqtarë dhe zyrtarë të Gjykatës Supreme mbesin në ashensorë për rreth 40 minuta, marrin tretman mjekësorë

Disa gjyqtarë dhe zyrtarë të Gjykatës Supreme mbesin në ashensorë për rreth 40 minuta, marrin tretman mjekësorë

Lajme
Dyshohet se ofruan shërbime seksuale me pagesë, arrestohen gjashtë persona në Prishtinë

Dyshohet se ofruan shërbime seksuale me pagesë, arrestohen gjashtë persona në Prishtinë

Lajme
Clarke përshkruan viktimat që ZPS-ja ia prezantoi në fotografi, për disa thotë se kanë vdekur nga plumbi e disa janë goditur me mjete të forta

Clarke përshkruan viktimat që ZPS-ja ia prezantoi në fotografi, për disa thotë se kanë vdekur nga plumbi e disa janë goditur me mjete të forta

Drejtësi
Vdekja e gazetares ukrainase në Prishtinë, Kurti: Ajo ishte profesioniste dhe nënë e përkushtuar, që mbarte me vete forcën dhe kurajën

Vdekja e gazetares ukrainase në Prishtinë, Kurti: Ajo ishte profesioniste dhe nënë e përkushtuar, që mbarte me vete forcën dhe kurajën

Lajme
Me inteligjencën artificiale 'jetësohen'  figurat historike shqiptare

Me inteligjencën artificiale 'jetësohen' figurat historike shqiptare

Lajme
Kalo në kategori