Anëtarësimi i Maqedonisë së Veriut në NATO është i rëndësishëm si nga pikëpamja e sigurisë ashtu edhe nga pikëpamja politike. Përveç sigurimit të një të ardhme të sigurt dhe trajtimin bashkërisht të kërcënimeve moderne të sigurisë, do të thotë gjithashtu ndarja e vlerave të përbashkëta për ruajtjen e lirisë, trashëgimisë dhe civilizimit të përbashkët bazuar në parimet e demokracisë, lirisë individuale dhe sundimit të ligjit, si dhe institucioneve të qëndrueshme dhe demokratike, ishte mesazhi i Presidentit Stevo Pendarovski dhe Ambasadores së SHBA-ve në vend Kate Marie Byrnes.

Anëtarësimi në NATO për ne, tha Pendarovski, duke ligjëruar “Rëndësia e pranimit të Maqedonisë në NATO” në Kolegjin Amerikan-Shkup është e rëndësishme sepse si një vend i vogël me burime të kufizuara mbrojtjeje dhe sigurie, duhet të jemi pjesë e një sistemi të siguria kolektive.

“Për shembull, neni 5 i Marrëveshjes së Veriatlantikut thotë se nëse një shtet anëtar do të sulmohet, ai do të ndiqet nga të gjithë. Kjo do të thotë se si një anëtar i ardhshëm i NATO-s siguria jonë është e garantuar nga të gjitha vendet anëtare të Aleancës”, tha Pendarovski.

Ambasadorja amerikane në vend Kate Marie Byrnes thotë se anëtarësimi në NATO është një arritje e madhe që nuk ka qenë e lehtë të arrihet. Por, vlerëson, ajo do tu mundësojë të rinjve si do të vazhdojnë arsimimin dhe ndërtojnë karrierë do të kenë mundësinë të përfitojnë nga përfitimet që ofron dhe sjell me vete ky proces. Një nga avantazhet, tha ajo, është sigurimi i sigurisë./Telegrafi/