Me anëtarësimin e Republikës së Maqedonisë së Veriut, NATO dhe Bashkimi Evropian po bëhen më të forta dhe rajoni ynë është më i sigurt, tha Presidenti Stevo Pendarovski në hapjen e ekspozitës “Luftimi dhe vuajtja – Qytetarët Polakë gjatë Luftës së Dytë Botërore” duke shënuar 80 vjetorin që do të mbahet nga 13 deri në 20 shtator në Muzeun e Luftës së Maqedonisë për Pavarësi në Shkup, të organizuar nga Ambasada e Republikës së Polonisë.

“80 vjet më parë filloi lufta më shkatërruese në historinë njerëzore, e cila vrau rreth 60 milion njerëz në vetëm gjashtë vjet. Ata janë viktima direkte, pa viktimat e varfërisë dhe urisë, të përmendura nga nikoqiri ynë, nga të cilët dy të tretat ishin civilë. Evropa u ul në gërmadha. Dhe gjithçka filloi më 1 shtator 1939 kur, pa një shpallje lufte, Polonia u sulmua në mënyrë të fshehtë nga Gjermania naziste. Duke parë fotot nga ekspozita, nuk mund të mbetemi indiferent ndaj vuajtjeve të popullit polak”, tha Presidenti Pendarovski.

Ai tha se e keqja kulmoi në kampet e përqendrimit në të cilat nazistët vranë sistematikisht miliona vetëm për shkak të diversitetit të tyre.

“Gjatë luftës, Polonia humbi gati 18% të popullsisë së saj. Në njërën nga ato kampe të vdekjes naziste – Treblinka – 98% të çifutëve nga Maqedonia u ekzekutuan “, tha Presidenti Pendarovski./Telegrafi/