Nga: Orsela Shkreli
Asokohe peliçet përdoreshin jo vetëm për të ndjerë ngrohtësinë gjatë dimrit, por edhe për ngritje niveli duke zgjedhur më të kushtueshmet.
Shumica e zgjedhjeve binte në ato ngjyrë mjalti, kafe e errët apo gri duke qenë se ishin edhe më të kombinueshme në ditët e përditshme apo takimet në sallonet e çajit midis zonjave të aristokracisë së atyre viteve. Në kohët e sotme stilistët e sjellin peliçen edhe në këpucë apo çizme me takë por dhe të sheshta qofshin ato.
Doreza lëkure veshur me peliçe vetëm në brendësi apo dhe të tëra në larmi ngjyrash. Kohët e fundit luksi i shfrenuar ka sjellë dhe çanta, mbrojtëse celulari, varëse e vathë, rripa por gjithashtu veshje krijuar me dorë nga ata që janë “zanatlinjtë” e punimeve me dorë. Vera Wang nuk lejon të mungojë ky detaj në krijimet e vjeshtë-dimër të të gjithë viteve të fundit.
Një patriot tjetër i peliçeve është dhe Mario Cerutti, Daniele Michetti, Bruno Magli, Ottavia Failla, Jimmy Choo, të cilët sjellin me lëkurat e kafshëve të rralla, krijime luksi dhe me kosto marramendëse për femrat e shekullit të 21 që nuk mund të mos kenë në gardërobën e tyre punime të tilla për stinët e ftohta që po afrojnë.
Kemi parë edhe në tapetet e kuq plot personazhe që janë prezantuar përpara bliceve të qindra fotografëve, me fustane të krijuar posaçërisht për to nga stilistët më lart përmendur, me lëkura të veçanta dhe punime dore të cilat kanë bërë të pozicionohen në vendet e para të klasifikimeve “best dresses”.
/Telegrafi/
