Paul Pogba i gatshëm për t’u larguar nga Man Utd këtë verë

Mesfushori i Manchester Unitedit, Paul Pogba është i përgatitur për t’u larguar këtë verë, por nuk përjashtohet mundësia të mbetet në Ligën Premier.

Francezi iu bashkua Unitedit për një tarifë rekord botëror prej 89 milionë funtesh në vitin 2016, por kontrata e tij në Old Trafford do të skadojë në fund të sezonit pas një periudhe të përzier ku ai shpesh ka luftuar për të treguar më të mirën e tij.

Sipas The Telegraph, Pogba dëshiron të qëndrojë larg bisedimeve për të ardhmen e tij deri në fund të sezonit dhe kjo përfshin mundësinë e mundshme të një lëvizjeje te një nga rivalët e Unitedit në Angli.

Lexo po ashtu PSG seriozisht në garë për Kessien dhe Pogban, kërkohet që të bindet Mbappe me ardhjen e yjve të tjerë

Pavarësisht se nuk ka asnjë tarifë transferimi, shumë klube në Angli ende nuk kanë gjasa të jenë në gjendje të përballojnë pagën e francezit, e cila është rreth 200 mijë funte në javë.

Manchester City mund të tregojë njëfarë interesimi për të marrë Pogban në një transferim sensacional brenda rivalëve të qytetit, me Pep Guardiolan që një herë pretendoi se i ishte ofruar mundësia për të nënshkruar me mesfushorin nga agjenti i Pogba, Mino Raiola në vitin 2018, kur lojtari ishte në mosmarrëveshje me trajnerin e atëhershëm të Unitedit, Jose Mourinho.

Lexo po ashtu Pogba e do Juventusin, por duhet ta ul pagën për të kaluar te Zonja e Vjetër

Pogba dëshiron të vlerësojë tërësisht të gjitha opsionet, duke përfshirë një marrëveshje të re të mundshme me Unitedit, përpara se të vendosë të ardhmen e tij.

Klubet tjera që janë lidhur me një transferim të lirë të francezit në verë janë Real Madridi, Juventusi dhe Paris Saint-Germain. /Telegrafi/