Kryeministri në detyrë i Kosovës, Albin Kurti, ka shprehur ngushëllime për viktimat e aksidentit tragjik të avionit ushtarak në Turqi, ku humbën jetën 20 persona.
Përmes një postimi në platformën X, Kurti i ka dërguar mesazhin e tij të ngushëllimit presidentit turk, Recep Tayyip Erdogan, qeverisë dhe qytetarëve turq, përcjell Telegrafi.
“Thellësisht të pikëlluar nga rrëzimi i avionit ushtarak turk që mori 20 jetë. Ngushëllimet tona të sinqerta u shkojnë familjeve të viktimave, Presidentit Erdogan, Qeverisë së Turqisë dhe të gjithë atyre që janë prekur nga kjo tragjedi”, ka shkruar Kurti.
Kryeministri në detyrë ka shprehur gjithashtu solidaritetin e popullit të Kosovës me popullin turk në këtë moment zie. /Telegrafi/
