Pas shkatërrimit të urës së Krimesë, këshilltari i presidentit ukrainas: Ky është fillimi, çdo gjë e paligjshme do të shkatërrohet

Gjatë mëngjesit së ditës së sotme ka ndodhur një shpërthim masiv në urën kryesore të Krimesë.

Kjo e fundit është pushtuar prej shtetit rus tetë vite më parë, gjersa ura ishte lidhja kryesore hekurudhore dhe rrugore mes gadishullit dhe shtetit rus.

Tashmë ka reaguar edhe këshilltari kryesor i presidentit ukrainas, Volodymyr Zelensky, Mykhailo Podoliak.

More videos pouring in now. pic.twitter.com/MnpIbkueTy

— Kevin Rothrock (@KevinRothrock) October 8, 2022

“Krime, ura, fillimi. Çdo gjë e paligjshme duhet të shkatërrohet, gjithçka e vjedhur duhet të kthehet në Ukrainë, gjithçka e pushtuar nga Rusia duhet të dëbohet”, ka shkruar ai në rrjetet sociale.

Kujtojmë se Putin hapi urën e Krimesë në vitin 2018 pasi Rusia aneksoi Krimenë në vitin 2014, e cila më parë administrohej nga Ukraina.

Në shtator, Rusia njoftoi aneksimin e provincave Donetsk, Luhansk, Kherson dhe Zaporizhzhia pas mbajtjes së referendumeve, të cilat Kievi dhe Perëndimi i konsiderojnë të paligjshme dhe të mbajtura nën kërcënim. /Telegrafi/

Crimea, the bridge, the beginning. Everything illegal must be destroyed, everything stolen must be returned to Ukraine, everything occupied by Russia must be expelled. pic.twitter.com/yUiSwOLlDP

— Михайло Подоляк (@Podolyak_M) October 8, 2022