“Pas dy goditjeve të shtyllës, erdhi goli – nuk do të ndalem” – Uzuni flet për shënimin e parë në MLS

Sulmuesi i Shqipërisë, Myrto Uzuni të dielën mbrëma e shënoi edhe golin e parë për Austinin në MLS të SHBA-së, duke i dhënë fitoren skuadrës së tij me rezultat 1-0 ndaj St. Luis City. 

Ndeshja i takoi xhiros së gjashtë në MLS, ndërsa Uzuni ka katër paraqitje deri tani me klubin e Austin. 

Trajneri i Austin, Nico Estevez, ka thënë se Uzunit i duhet kohë që të adaptojhet me futbollin në MLS. 

MU.🔟.🦁 pic.twitter.com/hJSntkYv9W

— Austin FC (@AustinFC) March 30, 2025

“Atij i duhet më shumë kohë me ne. Ai nuk ishte me ne. Duhet të jemi të durueshëm me të gjithë dhe të kuptojmë se si luan dhe që ai të kuptojë të tjerët se si luajnë”.

“Por ai gjithnjë angazhohet shumë, jep çdo gjë dhe kur është dashur ta bëj dallimin në këtë ndeshje, e ka bërë. Këtë e kërkojmë nga lojtarë si ai”, deklaroi trajneri Estevez. 

Lexo po ashtu Uzuni fillon shkëlqimin në MLS, gjen golin e parë dhe i jep fitoren skuadrës së tij

Uzuni është shprehur i lumtur për golin e parë me fanellën e klubit të ri, ku aty kaloi nga Granada në afatin kalimtar dimëror.  

“Jam shumë i lumtur. Unë punoj gjithnjë shumë. Jap çdo gjë në fushë, kështu që mendoj se e meritoj këtë gol. Në ndeshjet e kaluara nuk kam pasur fat, kam goditur dy herë shtyllën”.

+3 and a goal for Myrto! #AustinFC x @MichelobULTRA pic.twitter.com/Nt8lsX7DRM

— Austin FC (@AustinFC) March 30, 2025

“Kam punuar fort për këtë moment dhe shpresoj që gola të tjerë do të vijnë”, ka thënë Uzuni. /Telegrafi/