Paris Saint-Germain e nis sezonin e ri me fitore në udhëtim te Troyes

Paris Saint-Germain ka fituar me rezultat të ngushtë 2-1 në udhëtim te Troyes në takimin e vlefshëm për javën e parë të sezonit 2021/22 në Ligue 1.

Kryeqytetasit e kanë nisur mbarë sezonin e ri, duke marrë tri pikët e para të sezonit, edhe pse në një fitore shumë të vështirë.

Pjesa e parë e ndeshjes u karakterizua me lojë të hapur nga të dyja skuadrat dhe shumë raste të krijuara, teksa u shënuan edhe tri gola.

Të parët në epërsi kaluan pikërisht vendasit të cilët arritën të befasojnë pas vetëm nëntë minutave lojë me anë të Oualid El Hajjam, i cili shënoi për 1-0.

PSG arriti të kthehet në lojë me anë të Achraf Hakimit (19’), i cili barazoi shifrat 1-1 me një gol të bukur, ndërsa Mauro Icardi (21’) shënoi për 1-2.

HALF-TIME: Troyes 1-2 @PSG_English

Goals from @AchrafHakimi and @MauroIcardi means we lead at the break 💪 #Ligue1 | #ESTACPSG pic.twitter.com/qNECNeqcRq

— Paris Saint-Germain (@PSG_English) August 7, 2021

Në pjesën e dytë, u zhvillua përsëri lojë thuajse e barabartë, por pa raste të shumta dhe të qarta për gol.

Kylian Mbappe (81’) pati rastin më të mirë në ndeshje, por pa arritur ta konkretizojë dhe në fund PSG u desh të kënaqet me një fitore 2-1.

Fin du match et victoire parisienne à Troyes ! ✅

Un premier succès pour lancer cette nouvelle saison de #Ligue1 ! 💪#ESTACPSG pic.twitter.com/BAD4dZ1A47

— Paris Saint-Germain (@PSG_inside) August 7, 2021

Pas kësaj fitore, PSG e sheh veten në pozitën e parë me tri pikë, ndërsa Troyes i fundit pa pikë.

Në ndeshjen e radhës, ‘sheikët’ luajnë në shtëpi ndaj Strasbourg, teksa Troyes e udhëton te Clermont. /Telegrafi/

https://twitter.com/Gideomatic_/status/1424090063978303492

https://twitter.com/FootyTalkexpres/status/1424105097718550528