Paralajmëron kryeministri britanik: Bota ndodhet në prag të përshkallëzimit të rrezikshëm bërthamor

Duke paralajmëruar për kërcënimet globale në rritje, kryeministri i Mbretërisë së Bashkuar, Rishi Sunak, tha të hënën se bota qëndron në prag të një përshkallëzimi të rrezikshëm bërthamor, duke përmendur ditët të tensionuara të krizës së raketave në Kubë.

Në një sfond të tensioneve në rritje që përfshijnë Rusinë, Iranin, Korenë e Veriut dhe Kinën, Sunak theksoi nevojën urgjente për masa të fuqishme mbrojtëse për t’u mbrojtur kundër veprimeve destabilizuese nga shtetet armiqësore, transmeton Telegrafi.

Sunak drejtoi gishtin nga presidenti rus Vladimir Putin, duke ia atribuar “pamaturinë” e tij për ta sjellë botën më afër një përshkallëzimi bërthamor që nga kriza e Kubës e vitit 1962.

Konfrontimi historik midis SHBA-së dhe Bashkimit Sovjetik e pa botën duke mbajtur frymën për 13 ditë të tensionuara, ndërsa të dyja superfuqitë u futën në prag të luftës bërthamore për vendosjen e raketave.

“Këto nuk janë probleme të largëta,” nënvizoi Sunak, duke iu referuar veprimeve të fundit si sulmet kibernetike nga Kina që synojnë ligjvënësit e Mbretërisë së Bashkuar dhe helmimet e lidhura me Rusinë në tokën britanike. /Telegrafi/