Gazetari i CNN-it, Ray Sanchez, në një artikull të tij i referohet gjendjes së vështirë ekonomike në Venezuelë. Pjesë të shkrimit të tij ua sjell Telegrafi më poshtë.
Venezuela është vend magjepsës, me plazhet e Karaibeve, me borë në Ande dhe me rezervat më të mëdha të naftës në botë.
Shumë profesionistë janë larguar nga ky vend me ardhjen në pushtet të Hugo Chavezit, më 1999. Por, në fillim të sundimit të tij ai e ka reduktuar varfërinë, e shtoi numrin e fëmijëve që shkollohen, ndërsa dhe rriti edhe qasjen në ujë i pijshëm. Por, banorët sot përballën me inflacionin më të lartë në botë, me protesta të përgjakshme në rrugë dhe kaos të përgjithshëm.
Ku u tret kjo Parajsë? Më poshtë janë disa nga përgjigjet e mundshme.
Nafta ishte shtylla e ekonomisë së Chavezit. Kur çmimi i naftës ishte 100 dollarë për fuçi, miliardat u derdhën në programet sociale dhe ushqyese. Por, rënia e çmimeve të naftës s’mund t’i financojë më këto projekte të mëdha.
Për shkak të rënies së çmimeve të naftës, Qeveria nuk ka valutë të mjaftueshme të huaj, për të blerë mallra nga vendet e tjera. Prandaj, importet ranë për 50 për qind në krahasim me vitin e kaluar. Tani mungojnë mallrat elementare, përfshirë ilaçet e rëndësishme.
Në kohën e Chavezit çmimet e ushqimeve ishin të përballueshme për të gjithë. Torba me miell misri ishte 639 bolivarë venezuelas, më e ulët sesa kostoja e prodhimit. Prandaj, prodhuesit vendas e ndalën prodhim dhe tani ajo nuk është më në dispozicion, transmeton Telegrafi.
Venezuela ka vetëm 10,5 miliardë dollarë në rezervat e huaja dhe deri në fund të vitit do të hyjë borxh me 7.2 miliardë dollarë amerikanë.
Inflacioni i madh nënkupton që shumë njerëz janë duke lënë mënjanë shujtat ditore, me çka po rritet numri i të uriturve. Ky fenomen quhet dieta “Maduro”, sipas presidentit Nicolas Maduro i cili tha se për shkak të krizave “njerëzit forcohen”!
Vendi është kapluar nga protestat e dhunshme në javët e fundit, teksa opozitarët u përballën me mbështetësit e Maduros. Protestuesit antiqeveritarë duan që Maduro të japë dorëheqje, duke e akuzuar atë shkatërrim të demokracisë. Por, ai e dërgoi Ushtrinë në rrugë.
Shumica e fajësojnë Maduron për krizën në rrugë, pasi Qeveria e tij ndaloi liderin e opozitës, Henrique Capriles, që të kandidojë në 15 vitet e ardhshme. Gjykata e Lartë e shpërndau Parlamentin dhe barti pushtetin te vetja. Kështu, të gjitha degët e Qeverisë mbetën në duar të Partisë së Bashkuar Socialiste të udhëhequr nga Maduro. Opozita tha ky është grusht shtet. Vendimi i gjykatës u tërhoq, por protestat po bëhen përherë më të dhunshme.
Problemet janë të dukshme për shumicën e banorëve të Venezuelës. Kryesoret janë si më poshtë:
– Mungesa e ushqimit dhe nevojave shtëpiake, si qumështi, mielli dhe letra higjienike
– Mungesa e barnave
– Ndërprerjet e energjisë
– Papunësia në rritje
– Forcimi i krimit të dhunshëm
– Malaria. /Telegrafi/
Promo
Reklamo këtuLufta Prigozhin - Putin
Më shumë“Hakmarrja” e Izraelit ndaj Iranit – të gjitha zhvillimet, minutë pas minute
Ministri ekstremist izraelit e përshkruan me një fjalë sulmin e Izraelit ndaj Iranit
Izraeli sulmon Iranin me raketa
Pamjet e para nga sulmi izraelit drejt Iranit
'Për herë të parë' Ukraina rrëzon një aeroplan bombardues strategjik rus
Një fshat i vogël është bërë i famshëm në Itali: Atje dielli nuk bie kurrë, por vendasit kanë një ide gjeniale
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë janë retë artificiale dhe a shkaktuan përmbytjet e mëdha në Dubai?
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
Zyrtare: Serie A do të ketë pesë skuadra në Ligën e Kampionëve për sezonin 2024/25
Policia serbe e dërgon në paraburgim mërgimtarin nga Gjakova që e arrestoi në kufi