Presidenti serb, Aleksandar Vuçiq tha se nuk është “shumë optimist” përpara takimit të nesërm me kryeministrin e Kosovës Albin Kurti në Ohër, por gjithashtu se Serbia është “gjithmonë e gatshme të bisedojë për zgjidhje kompromisi”.
Vuçiq tha se ai nuk po udhëton në raundin e ri të dialogut të ndërmjetësuar nga BE me kurrëfarë mesazhi dhe se gjithçka që ai kishte për të thënë, ua tha tashmë të dërguarve të BE-së dhe SHBA-së, Miroslav Lajcak dhe Gabriel Escobar, gjatë vizitës së tyre të fundit në Beograd.
“Nuk kam ndonjë mesazh të veçantë, të gjitha ua kam thënë në fytyrë Escobarit dhe Lajçakut një apo dy ditë më parë në Beograd, nesër do t’ia them Borrellit e Kurtit dhe kaq”, tha sot Vuçiq duke iu përgjigjur pyetjeve të gazetarëve në Serbi.
Siç raporton “Nova”, Vuçia ka thënë se shpreson që nesër në Ohër të ketë një “bisedë të mirë”.
“Nuk e di se çfarë presin njerëzit. Serbia është gjithmonë e gatshme të diskutojë për zgjidhje kompromisi, por nëse do të ketë apo jo, nuk jam shumë optimist…”, tha ai.
Ai përsëriti se Asociacioni i komunave me shumicë serbe duhet të formohet në përputhje me katër dokumentet e nënshkruara në Bruksel.
“Përmbajtja e atyre dokumenteve duhet të plotësohet dhe unë nuk jam i interesuar veçanërisht për fantazmagoritë e tyre për modelet daneze dhe suedeze. Nëse kërkoni arsyen e mjaftueshme për të fajësuar Serbinë, gjithmonë do ta gjeni, nuk keni nevojë të shpikni modele të reja për këtë”, tha Vuçiq, transmeton Telegrafi.
Ai vlerësoi se Serbia sot është “mes çekanit dhe kullës”.
“Kosova është fëmija i tyre, duhet ta luhatin. Kjo është arsyeja pse ne jemi gjithmonë në një pozitë më të vështirë. Ata që mbështesin integritetin territorial të Serbisë, të gjithë kanë problemet e tyre të panumërta, kështu që ne kemi mbetur mes ‘ 135ekanit dhe kullës’. Por ne do ta nxjerrim Serbinë në një mënyrë mjaft të zgjuar dhe të mençur”, tha Vuçiq.
Në takimet në Ohër të Maqedonisë së Veriut, përveç delegacioneve të Kosovës dhe Serbisë – që do të takohen nën ndërmjetësimin e BE-së – do të marrë pjesë edhe i dërguari i posaçëm i Shteteve të Bashkuara për Ballkanin Perëndimor, Gabriel Escobar, në cilësinë e vëzhguesit.
Escobar më 17 mars në Prishtinë u takua me krerët shtetërorë dhe u shpreh optimist për një zgjidhje paqësore mes Kosovës dhe Serbisë.
Kryeministri i Kosovës, Albin Kurti, në takimin me Escobar, tha se në Ohër delegacioni i Kosovës “udhëton me vullnet të mirë, qëllime të mira dhe besim të mirë”.
Propozimi evropian, që Kosova dhe Serbia e pranuan më 27 shkurt, shihet si një marrëveshje e përkohshme e cila do të çojë në atë përfundimtare ndërmjet Kosovës dhe Serbisë. Edhe pse nuk e parasheh njohjen reciproke, diplomatët perëndimorë thonë se është marrëveshja më e mirë që aktualisht mund të arrihet mes Kosovës dhe Serbisë.
Propozimi evropian përfshin zotimin e palëve për t’i respektuar të gjitha marrëveshjet e arritura deri më tani në dialogun për normalizimin e marrëdhënieve, si dhe përkushtimin e tyre për të mos e penguar njëra-tjetrën në proceset integruese.
Serbia insiston që Prishtina të formojë Asociacionin e komunave me shumicë serbe, ndërkaq Kosova kërkon që marrëveshja përfundimtare të përfshijë njohjen reciproke.
Dialogu mes Kosovës dhe Serbisë për normalizimin e raporteve ka nisur më 2011. Bashkimi Evropian e ndërmjetëson këtë proces, ndërkaq Shtetet e Bashkuara, ndonëse nuk janë palë e dialogut, e mbështesin atë. /Telegrafi/
Promo
Reklamo këtuLufta Prigozhin - Putin
Më shumëFAZ: Ballkani po mbetet pa popullatë, po popullohet me emigrantë nga Azia
Certifikimi i snajperistëve, Gecaj: Lajm i mirë për Kosovën dhe FSK-në
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Publikohet doracaku zyrtar për dhënien e provimit të patentës së shoferit
Profesori shqiptar nga Londra: Në Britani të Madhe i gjithë spektri politik është pro Kosovës
Polici goditet me veturë, e dyshuara largohet nga vendi i ngjarjes
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe