Para dhe pas, pasojat e uraganit Beryl që goditi Ishujt Karaibe

Imazhet satelitore të shkrepura para dhe pas uraganit Beryl që goditi Ishujt Karaibe, solli stuhi të fuqishme që u drejtuan kah Xhamajka.

Maxar publikoi fotografitë që tregojnë pasojat e këtij uragani, ku pothuajse gjithçka është shkatërruar në juglindje të Ishujve Karaibe, transmeton Telegrafi.

Lagje të tëra janë bërë rrafsh me tokë, ku shtëpitë janë vetëm rrënoja derisa erërat e uraganit Beryl frynin me shpejtësi prej 240 kilometra në orë.

Nga këto erëra humbën jetën katër persona dhe shumë tjerë po konsiderohen të zhdukur derisa niveli i ujit në disa rajone po rritet.

Lexo po ashtu Tani pothuajse çdo banor i ishullit Union është i pastrehë, erërat që frynin me shpejtësi prej 240 km/h shkatërruan gjithçka

Video të ndryshme amatore të postuara në rrjetet sociale tregojnë ishullin Martinique, që u godit nga shirat e rrëmbyeshëm dhe rrugët e mbushura me ujë dhe mbeturina.

Në Barbados dallgët e larta godisnin rrugët – duke e bërë të pamundur kalimin me vetura nëpër to. E pemët dhe palmat janë shkulur me rrënja nga erërat e forta.

90 për qind e shtëpive në ishullin Union janë shkatërruar – një nivel i ngjashëm i shkatërrimit pritet të jetë edhe në ishujt Myreau dhe Canouan. /Telegrafi/

dailymail