Para 13 vitesh e kishte konfirmuar, tifozët të bindur se ku do të shkojë Mourinho pas shkarkimit nga Roma

Jose Mourinho zbuloi në vitin 2011 se do të dëshironte të menaxhonte një skuadër në Amerikë një ditë.

Portugezi ishte në krye të Real Madridit në atë kohë. Duke biseduar me të ndjerin Grant Wahl, Special One vlerësoi mentalitetin amerikan.

Pasi u shkarkua nga Roma dje, ish- trajneri i Chelseat, Manchester United dhe Interit mund të kërkojë të bëjë më në fund transferimin e tij në Shtetet e Bashkuara.

Lexo po ashtu Konkurrencë e ashpër nga Liga Premier, dy klubet që e duan Mourinhon

Duke folur për Sports Illustrated, Mourinho kishte thënë: “Unë e shoh veten si trajner i një ekipi, si trajner i ekipit kombëtar ose duke ndihmuar në zhvillimin e futbollit në SHBA”.

“Kur jam i lodhur duke fituar gjëra në Evropë, është diçka që dua të bëj. Dua të jem trajner i kombëtares portugeze dhe dua të punoj në Shtetet e Bashkuara”.

Mourinho, i cili ka qenë në shumë turne në SHBA me klubet e tij të ndryshme ndër vite, e adhuron mënyrën amerikane të jetesës.

Lexo po ashtu "Top sekret": Formacioni i Barcelonës, nëse Jose Mourinhos do të emërohej në 2008 - nuk kishte vend për Xavin

Ai shtoi: “Më pëlqen, njerëzit kanë një mentalitet shumë të hapur. Të gjithë janë të njëjtë. Statusi nuk ka shumë rëndësi. Më pëlqen shumë në këtë mënyrë”.

Pasi kishte parë komentet e tij teksa fliste për SI, një fans shkroi: “Mendoj se Mourinho do të përshtatej kaq shumë në MLS”.

Ndërsa një i dytë postoi: “Mourinho në MLS së shpejti”.

Lexo po ashtu Mes shumë emocionesh, Mourinho u jep lamtumirën e fundit tifozëve të Romës

Një i tretë pohoi: “Mourinho në MLS do të ishte qesharak në kaq shumë nivele”.

Një tjetër shtoi: “Mourinho në MLS kush thotë jo?”. /Telegrafi/