Para 10 vitesh nuk e kaloi as raundin e parë të American Idol, tash Bebe Rexha do të jetë mentore në spektaklin për talentë

Bebe Rexha sot është një këngëtare, kompozitore dhe producente shumë e suksesshme, mirëpo jo të gjithë kanë besuar në cilësitë e saj.

Këngëtarja shqiptare, emri i vërtetë i të cilës është Bleta, para një dekade kishte konkurruar në spektaklin për talentë, American Idol.

Mirëpo, paneli i atëhershëm nuk kishte besuar tek aftësitë e saj dhe madje ajo ishte eliminuar që në raundin e parë.

Tash, suksesi i saj i ka bërë të gjithë të përulen dhe 28-vjeçarja është caktuar të jetë mentore e talentëve në edicionin e ri të American Idol.

“Para 10 vitesh, nëna ime dhe unë pritëm 10 orë në radhë për audicionet e American Idol. Nuk arrita ta kaloja as raundin e parë, mirëpo nuk hoqa dorë nga ëndrra ime”.

Lexo po ashtu Të gjitha lajmet për BEBE REXHËN

“Është e çuditshme se si jeta rrotullohet në një qark. Me shumë kënaqësi ju njoftoj se do të jem mentore e garuesve në American Idol këtë sezon”, ka shkruar Bebe në një postim në Instagram.

https://www.instagram.com/p/Bf3WjpDldlz

Krahas bashkëpunimeve dhe hiteve të saja, Rexha ka shkruar këngë për muzikantë të nivelit të lartë, si Eminem, Rihanna e Selena Gomez.

Ajo vazhdon t’i shijojë sukseset e hiteve, si “I Got You”, “Meant to Be” (në bashkëpunim me Florida Georgia Line), “No Broken Hearts” (duet me Nicki Minaj) e Me, Myself & I (me G-Eazy). /Telegrafi/