Paparaci pëson lëndime gjatë fotografimit të Delevingne dhe Robbie, thotë se u sulmua nga miqtë e tyre

Një fotoreporter i ka akuzuar miqtë e Cara Delevingne dhe Margot Robbie se e kanë sulmuar gjatë përpjekjeve për t’u bërë fotografi modeles dhe aktores gjatë fundjavës në Argjentinë.

Megjithatë, burime që kanë njohuri për rastin kanë thënë për TMZ se, në fakt, paparaci dyshohet të ketë qenë agresori në incident dhe pothuajse shkaktoi lëndimin e dy yjeve teksa ato përpiqeshin të hipnin në një Uber.

Sipas njoftimit, bashkaktoret e “Suicide Squad” ishin duke u larguar nga një restorant në Buenos Aires mëngjesin e të dielës, kur paparaci, i identifikuar si Pedro Alberto Orquera, dyshohet se “i nxitoi” dhe filloi të bënte fotografi “në mënyrë agresive”.

Shoferi i taksisë e nisi automjetin për shkak të sjelljes së paparacit derisa Delevingne ndodhej në veturë, kurse Robbie akoma nuk kishte hipur si duhet dhe ka mundur të lëndohej pasi u detyrua të hidhje nga automjeti në lëvizje.

Burimet kanë thënë se fotoreporteri kishte ikur dhe ishte rrëzuar duke pësuar lëndime dhe frakturë në dorë. Megjithatë, në një prononcim për The Sun on Monday, ai ka treguar një version ndryshe.

“Ishte një sulm brutal dhe frikacak nga sigurimi që ishte me to. Ata deshën të më rrëmbenin dhe të ma merrnin aparatin për t’i hequr imazhet”, është shprehur fotografi. /Telegrafi/