Pamje të rënda: Momenti kur u godit me veturë dhe u rrah për vdekje i riu nga Podujeva

Lulzim Fejzullahu, 18-vjeçar nga Podujeva, gjashtë ditë më parë u godit me veturë nga persona të dyshuar të cilët më pas e rrahën për vdekje me shufra metalike.

Fejzullahu u dërgua për trajtim në Spital, pasi mori lëndime jashtëzakonisht të rënda.

Si pasojë e plagëve të marra Lulzimi ndërroi jetë të shtunën në QKUK.

Lexo po ashtu Vdekja e 18-vjeçarit, avokati Hoxha: Të miturit mund të dënohen vetëm 10 vjet burgim, ligji duhet të ndryshohet

Në lidhje më këtë ngjarje zëdhënësi i Policisë për rajonin e Prishtinës, Agron Borovci, deklaroi se rasti po hetohej si “Vrasje në tentativë”, përkitazi me ngjarjen që kishte ndodhur ditën e 14 janarit në rrugën “Drenica” në Podujevë.

Lexo po ashtu Varroset 18-vjeçari nga Podujeva që u rrah për vdekje

Indeksonline ka siguruar VIDEO-n e momentit të sulmit.

Ministrja e Drejtësisë, Albulena Haxhiu, ka thënë se vrasja e të riut Lulzim Fejzullahu nga dy bashkëmoshatarë të tij është ngjarje që ka tronditur të gjithë qytetarët e Kosovës.

Në një shkrim në Facebook, ajo tha se është tmerrues fakti kur dëgjon për humbjen e jetës së një të riu, aq më shumë kur jeta e tij merret dhunshëm, në mënyrë totalisht të pamëshirshme.

“Kjo ngjarje tronditëse prekë në ndërgjegjet tona qytetare dhe tërheqë alarm institucional, për edukim të mirëfillt të fëmijëve”, shkroi Haxhiu.