Pamje nga shtëpia e Osama bin Ladenit: Fëmijët e shefit të terrorizmit duke përdorur armë, ndërsa ishte njeriu më i kërkuar në botë (Video)

Video të jetës së familjes së Osama bin Ladenit në fshehje janë zbuluar nga CIA – duke treguar fëmijët dhe nipërit e tij duke luajtur, pavarësisht se ishte njeriu më i kërkuar në botë.

Sipas mediave të huaja, përcjell Telegrafi, një video tregon pamjet e papara më herët të djalit të bin Ladenit dhe pasardhësit të mundshëm, Hamza bin Laden, si një i rritur.

Videot u kapën në kompleksin e tij Abbottabad pasi “Seal Team Six” sulmoi atë dhe vranë planifikuesin e 11 Shtatorit.

Pamjet janë publikuar më në fund, gjashtë vjet e gjysmë më pas, pas bastisjes dramatike e cila i dha fund edhe çështjes së vendqëndrimit të tij.

Videot tregojnë një familje me sa duket normale dhe të lumtur, jo të frikësuar.

Në mënyrë të pashmangshme, mediat shkruajnë se kjo ka ngritur më shumë pyetje nëse bin Laden kishte ndihmë zyrtare nga disa qarqe të qeverisë pakistaneze për të qëndruar fshehur nga CIA për pothuajse një dekadë.

Një video e papërpunuar që shtrihet brenda kompleksit tregon një stallë të madhe me kafshë, duke përfshirë lopët, pula dhe macet.

CIA gjithashtu publikoi një video që tregonte fëmijët e vegjël duke luajtur rreth shtëpisë.

Një djalë i ri që shfaqet jo më shumë se shtatë vjeç, shihet duke lexuar fjali në gjuhën arabe.

Shumica e fëmijëve janë të veshur me rroba tradicionale pakistaneze, ndërsa disa janë në këmisha ndërsa luajnë në ambiente të mbyllura. /Telegrafi/