Pamje nga betejat e ashpra për Avdiivkan, ukrainasit i shkaktuan rusëve humbje të mëdha

Trupat ukrainase kanë publikuar pamjet të asaj që dukej mbrojtja e qytetit të Avdiivkas, i cili megjithatë ra në duart e rusëve pas shtatë muajve luftime të ashpra.

Ukrainasit kishin dhënë gjithçka nga vetja për ta ruajtur këtë qytet në lindje të vendit, duke arritur t’i shkaktojnë humbje të mëdha forcave pushtuese ruse, transmeton Telegrafi.

Megjithatë me ndaljen e ndihmës ushtarake nga SHBA, ukrainasit filluan ta ndiejnë mungesën e municionit dhe armëve të fuqishme, duke bërë që ky vend të mbetet në duart e rusëve që pësuan humbje të mëdha si në njerëz ashtu dhe në makineri luftarake.

Lexo po ashtu Kush janë pesë të burgosur të tjerë të profilit të lartë që vdiqën në burgjet e Rusisë

Pamjet e publikuara më poshtë e dokumentojnë këtë sesi me dronë dhe artileri të rëndë, ukrainasit kishin shkatërruar shumë tanke, autoblinda e madje edhe depo të ushtrisë së Vladimir Putinit.

E në momentin që morën urdhrin që të tërhiqeshin për faktin se sipas ukrainasve më e rëndësishme është jeta e njerëzve sesa mbrojtja e asaj çfarë ka mbetur nga ky qytet (gërmadha), ukrainasit filluan me operacionin e evakuimit të atyre që ishin plagosur. /Telegrafi/