Palëpeta me banane pa gluten me vetëm dy përbërës

Janë gati në pak minuta

Nëse dëshironi të bëni palëpeta të thjeshta dhe të shëndetshme, kjo recetë me vetëm dy përbërës është një zgjedhje e shkëlqyer. Janë të lehta, përgatiten shpejt dhe nuk përmbajnë sheqer apo gluten të shtuar.

Janë ideale për mëngjes, një meze të lehtë apo një ëmbëlsirë të lehtë dhe janë gati për pak minuta.

Përveçse të shijshme, janë të pasura me fibra, kalium dhe antioksidantë, duke ndihmuar në rregullimin e presionit të gjakut, uljen e kolesterolit dhe ruajtjen e një peshe të shëndetshme, transmeton Telegrafi.

Përbërësit:

▪ Një banane e pjekur
▪ Dy vezë të mëdha
▪ Gjalpë ose vaj bimor për pjekje
▪ Mbushja sipas dëshirës (boronica, jogurt, kanellë, mjaltë, shurup panje, granola).

Përgatitja:

Qëroni bananen dhe shtypeni në një enë me pirun derisa të përftoni një masë të lëmuar pa droçka. Në një enë tjetër rrihni lehtë dy vezët, më pas ia shtoni bananes shtypur dhe i përzieni mirë derisa masa të bashkohet. Nxehni një tavë mbi nxehtësinë mesatare dhe shtoni pak gjalpë ose disa pika vaj bimor.

Kur tigani të jetë i nxehtë, hidhni rreth dy lugë gjelle nga përzierja për secilën palëpetë. Piqeni palëpetën për rreth një minutë nga njëra anë – skajet duhet të skuqen lehtë. Rrotulloni me kujdes palëpetën duke përdorur një shpatull të hollë dhe piqeni për një ose dy minuta të tjerë derisa ana tjetër të marrë ngjyrë kafe të artë. Përsëriteni procesin me pjesën tjetër të përzierjes.

Nëse nuk i hani të gjitha përnjëherë, palëpetat mund t’i ruani në frigorifer ku mund të qëndrojnë për disa ditë. Ngrohni përsëri në mikrovalë përpara se t’i konsumoni.

Këshilla për variacione shtesë

– Për petulla më me shumë fjolla: Shtoni pak pluhur pjekjeje
– Për një shije më të ëmbël: Përzieni disa pika vanilje ose një lugë gjelle mjaltë.
– Për kore: Shtoni copa arra.
– Për ata që pëlqejnë krepat e hollë: Hidhni pak më shumë brumë dhe shpërndajeni në mënyrë të barabartë në të gjithë tavën.

Ju bëfshin mirë. /Telegrafi/