Mundi i fermerëve në Kosovë ka mbetur në mëshirën e fatit. Të mbjellat e tyre dhe puna disa-mujore iu shkon huq sa herë që bie breshër. E një gjë e tillë nuk ndodh rrallë.
Miliona euro shkaktohen dëme në bujqësi – dhe jo vetëm – brenda një viti.
Shteti përveç subvencionimit me shuma simbolike për kompensim të dëmeve, nuk ka arritur të gjejë një zgjidhje, për mbrojtje nga kjo fatkeqësi natyrore.
E Instituti Hidrometeorologjik i Kosovës (IHMK), përveçse i paralajmëron qytetarët se çka do të ndodhë, ndihmë tjetër s’mund të iu ofrojë. Kjo pasi nuk ka sistem për mbrojtje nga dëmet e shkaktuara nga breshëri.
Një sistem të tillë Kosova e ka pasur deri në vitin 1999, kur kanë funksionuar 104 pika lansuese të raketave për mbrojtje kundër breshrit.
Por, në kohën e luftës këto pajisje janë vjedhur dhe shitur për hekur.
Kështu thotë në një intervistë për Telegrafin, Besim Aliu – Koordinator dhe Parashikues i Motit në IHMK.
Ai shpjegon se në atë kohë ka punuar si meteorolog dhe se nuk e di kush i ka vjedhur pajisjet, por i bindur thotë se “nuk janë shkatërruar nga ushtria serbe”.
“Para luftës IHMK-ja ka pasur pajisje që kanë qenë kundër breshrit, diku 104 stacione manuele që e kanë marrë sinjalin nga radari – ka qenë një në Rrafshin e Kosovës dhe në atë të Dukagjinit – dhe punëtorët në radar i kanë lajmëruar ata në terren. Më pas, këta të fundit i kanë hedhur raketat, të cilat kur kanë shkuar në hapësirë i kanë shpërndarë retë breshër-formuese dhe i kanë shndërruar në shi”, thotë Aliu.
“Bujku ka qenë i mbrojtur atëherë. Ndërsa, tash është në mëshirën e fatit, sepse nuk kemi pajisje. I kemi pasur dikur dhe kanë qenë funksionale deri në vitin 1999, por janë vjedhur nga dikush që i ka shitur për hekur. Nuk janë shkatërruar nga ushtria serbe. Atëherë kam punuar si meteorolog dhe nuk e di se kush i ka marrë”.
“Kemi nevojë për radar, i cili duhet të ketë edhe stacione kundër breshrit. Kushton 1 milion e 200 mijë euro dhe disa stacione që duhet të vendosen sidomos në vendet ku bujqësia është më e zhvilluar”, thotë meteorologu Aliu.
Përveç këtyre pajisjeve ai thotë se Instituti po përballet edhe me mungesë të resurseve njerëzore.
Sipas tij, Kosova ka vetëm 13 punëtorë në IHMK, apo dhjetëfish më pak sesa Mali i Zi, shtet ky i cili ka vetëm tre mijë kilometra katrorë më shumë territor.
“Jemi stafi më i vogël në rajon. 5 nga 13 jemi të fushës së meteorologjisë. Mali i Zi ka 113 punëtorë, Maqedonia 189, Kroacia 363 dhe Serbia ka 530 punëtorë”.
Aliu tutje shton se disa herë ka kërkuar kushte më të mira të punës dhe për këtë thotë se ka biseduar edhe me ministrin e Mjedisit, Liburn Aliu, por se i njëjti nuk ka bërë ende asgjë konkrete.
“Është alarm për institucionet tona kjo gjendje e IHMK-së. Kam biseduar edhe me ministrin Aliu, ka thënë se do të shikojmë mundësitë, por ende asgjë. Në ministri ka që janë jo profesionistë që nuk e kuptojnë fushën”.
Madje, ai deklaron se Instituti tash e 6-7 muaj është pa drejtor, pasi “askush nuk e dëshiron këtë pozitë”.
“Kemi mbetur edhe pa drejtorë sepse askush se dëshiron këtë pozitë, tash e 6-7 muaj s’ka drejtor. Është ushtruesi i detyrës, por edhe ai ka kërkuar disa herë të hapet konkurs për drejtor sepse është punë e vështirë”, pohon Aliu.
Telegrafi ka dërguar pyetje edhe në adresë të Ministrisë së Mjedisit, për t’i pyetur nëse planifikojnë shtimin e stafit në IHMK, por të njëjtit nuk kanë kthyer asnjë përgjigje. /Telegrafi/
Promo
Reklamo këtuLufta Prigozhin - Putin
Më shumëNga Rubrika
NPK “Tetovë”: Qytetarët të lajmërojnë ekipet tona për largimin e mbeturinave inerte
500 euro gjobë, 5 pikë negative, 6 muaj masë mbrojtëse e sekuestrim i veturës – Policia dënon vozitësin në Pejë
Protesta e dhunshme para Bashkisë së Tiranës, reagojnë ambasadat e SHBA-ve dhe BE-së
Kurti ironizon me ushtrimet e ushtrisë serbe: Paraqesin ndotje të ajrit e tokës
Kurti përmendi Thaçin në 11 vjetorin e marrëveshjeve në Bruksel, reagon Çitaku: E di që po të mungon, duro dhe pak - dielli do të lind përsëri
SHBA-ja synon ta "fortifikojë" Ballkanin Perëndimor
Osmani: Do ta njoftojë qeverinë për sulmin në Banjskë, pastaj do të vendoset për Ballkanin e Hapur
Maqedonci ngre alarmin: Tensionet vazhdojnë, Serbia të mërkurën do të testojë dronë kamikazë në kufi me Kosovën
Marrëveshja mes Kosovës e Serbisë, Kurti: Në këtë 11-vjetor shteti serb në Peshter të Sanxhakut do të lansojë ushtrime me dronë luftarakë kamikazë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë janë retë artificiale dhe a shkaktuan përmbytjet e mëdha në Dubai?
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
Zyrtare: Serie A do të ketë pesë skuadra në Ligën e Kampionëve për sezonin 2024/25
Policia serbe e dërgon në paraburgim mërgimtarin nga Gjakova që e arrestoi në kufi