Pa stërvitje të mundimshme: Me këto gjashtë mënyra mund të digjni kalori shtesë

Edhe pse do të humbni më shumë peshë me ndihmën e ushqimit të duhur dhe stërvitjes së rregullt, ka mënyra të tjera që do t’ju ndihmojnë të jeni në formë më të mirë.

E mira e këtyre aktiviteteve është se ato janë shumë të thjeshta dhe nuk kërkojnë angazhim shtesë.

Lexo po ashtu Ecni në këtë mënyrë: 100 hapa mbrapa janë po aq efektivë sa 1.000 përpara

Dush me ujë të ngrohtë

Bërja e dushit me ujë të ngrohtë është e mrekullueshme për t’u çlodhur. Megjithatë, është treguar se dushi me ujë të nxehtë mund të çojë në humbje peshe. Kur bëni dush me ujë të ngrohtë, trupi juaj duhet të punojë më shumë për të mbajtur një temperaturë normale, gjë që çon në djegien e kalorive.

Pirja e ujit të ftohtë

Uji është shumë i rëndësishëm në ruajtjen e shëndetit të përgjithshëm, por gjithashtu ndihmon në djegien e kalorive. Por, pirja e ujit të ftohtë mund t’ju ndihmojë të humbni disa kilogramë. Kjo është për shkak se trupi duhet ta ngrohë ujin në temperaturën e trupit.

Era e vaniljes

Disa aroma mund t’ju ndihmojnë të humbni peshë. Ndërsa kjo nuk është një humbje e konsiderueshme në peshë, një studim zbuloi se njerëzit që mbanin ngjitëse me aromë vanilje kishin më pak dëshira për ushqime të ëmbla.

Lexo po ashtu Një udhëzues për të djegur kalori pa stërvitje dhe palestër

Kryerja e punëve të shtëpisë

Pastrimi nuk është në listën e aktiviteteve të preferuara, por mund t’ju ndihmojë të humbni kaloritë e tepërta. Nëse kaloni një orë për të larë dhe fshirë enët, mund të humbni deri në 100 kalori.

Çaji i gjelbër

Çaji i gjelbër përmban një numër të madh të antioksidantëve dhe gjithashtu ndihmon në djegien e kalorive. Kjo për shkak se përmban kafeinë që do ta nxisë metabolizmin tuaj, i cili përfundimisht do t’i djegë më lehtë depozitat e yndyrës. Megjithatë, për të parë rezultate, duhet të pini të paktën tre filxhanë çaj të gjelbër në ditë.

Ulni nxehtësinë

Kur është më ftohtë, trupi ka nevojë për më shumë energji për t’u ngrohur. Kjo metodë në fakt funksionon në të njëjtin parim si pirja e ujit të ftohtë. Ekspozimi ndaj temperaturave të ftohta mund të stimulojë djegien e kalorive dhe të kontribuojë në humbjen e peshës. /Telegrafi/