I pa rëndësishëm për Romën dhe Mourinhon, Pedro hakmerret duke nënshkruar me Lazion

Pedro Rodriguez ka ndërruar skuadër, por jo edhe qytet.

Sulmuesi spanjoll është larguar nga Roma dhe ka befasuar të gjithë duke u bashkuar me rivalët e mëdhenj lokal Lazion.

Transferime mes dy klubeve nuk ndodhnin që 40 vite kur i fundit ishte Carlo Perrone i cili u largua nga Lazio për t’iu bashkuar Romës.

Që nga ajo kohë më nuk kishte transferime direkte nga njëri klub tek tjetri, por as ky i Pedros nuk mund të quhet i tillë.

Veterani spanjoll ishte i parëndësishëm për Romën, aq sa nuk ka ushtruar asnjë ditë nën urdhrat e trajnerit Jose Mourinho.

Roma ia ka shkëputur së fundmi kontratën atij dhe Pedro mbeti lojtari i lirë, por i është hakmarrë ish-klubit të tij duke kaluar te rivalët e Lazios.

34-vjeçari besohet se ka nënshkruar kontratë dy vjeçare me Lazion, edhe pse klubi ende nuk ka zbuluar detajet e marrëveshjes.

👀 Introducing our new number 9️⃣#CMonEagles 🦅 pic.twitter.com/xVUyxVqZvJ

— S.S.Lazio (@OfficialSSLazio) August 19, 2021

E gjitha çfarë ka bërë Lazio është një prezantim i thjeshtë i lojtarit me shallin e klubit dhe se Pedro do ta bartë numrin 9.

Pedro kësisoj bashkohet me trajnerin Maurizio Sarri me të cilin kishin punuar së bashku te Chelsea. /Telegrafi/