Ozil tërhiqet nga kombëtarja e Gjermanisë: Nuk do ta pranoj kurrë panjerëzinë, mosrespektin dhe racizmin

Mesfushori gjerman, Mesut Ozil, ka konfirmuar se është pensionuar nga kombëtarja e Gjermanisë, pasi ka ndier mosrespekt nga Federata Gjermane e Futbollit.

Futbollisti i Arsenalit është kritikuar nga krerët e DFB pas takimit me presidentin e Turqisë, Recep Tayyip Erdogan, ndërsa ishte fishkëllyer edhe nga tifozët gjatë stërvitjeve para Kampionatit Botëror, ‘Rusia 2018’.

German chancellor Angela Merkel has said Ilkay Gundogan and Mesut Ozil "belong to this national team" as the row over a photograph of them with Turkish president Recep Tayyip Erdogan continues:https://t.co/jqj4dW2viW #KweseESPN pic.twitter.com/ODI8yu1jBS

— Kwesé Sports (@kwesesports) June 11, 2018

29-vjeçari fillimisht nuk kishte bërë asnjë koment për takimin me Erdoganin në Londër, i cili asokohe kandidonte për t’u rizgjedhur president i Turqisë.

Mirëpo, gjatë të dielës ka bërë një sërë sqarimesh në rrjetet sociale, mes të cilëve ka njoftuar se është tërhequr nga përfaqësuesja e Gjermanisë.

“Trajtimi më ka bërë DFB dhe shumë të tjerë, më bën të mos dua ta vesh më fanellë kombëtare të Gjermanisë. Ndihem i padëshiruar dhe mendoj se ajo që kam arritur që nga debutimi im në vitin 2009, është harruar”.

Lexo po ashtu Lajmet për OZIL

“Prandaj, me zemër të thyer dhe duke menduar shumë për ngjarjet e fundit, nuk do të luaj më për Gjermaninë në nivel ndërkombëtar derisa e kam këtë ndjenjën e racizmi dhe mosrespektit”.

Arsenal's Mesut Ozil and Manchester City's Ilker Gundogan are under fire after posing with Turkish President Erdogan pic.twitter.com/dQMh2VdeKz

— TRT World (@trtworld) May 19, 2018

“E kam veshur fanellën e Gjermanisë me shumë krenari dhe gëzim, por tash jo më. Ky vendim ka qenë jashtëzakonisht i vështirë, sepse gjithmonë kam dhënë maksimumin për bashkëlojtarët e mi, stafin e trajnerëve dhe njerëzit e mirë të Gjermanisë”.

“Mirëpo, kur zyrtarët e nivelit të lartë të DFB-së më trajtuan ashtu si bënë, treguan panjerëzi ndaj rrënjëve të mia turke dhe në mënyrë vetanake më përfshinë në propagandën politike, atëherë mjaft është mjaft… Racizmin nuk do ta pranoj kurrë”, ka thënë mes tjerash Ozil.

Gjatë karrierës me Gjermaninë, mesfushori ka regjistruar 92 paraqitje dhe ishte pjesë e skuadrës që e fitoi Kampionatin Botëror në vitin 2014. /Telegrafi/

III / III pic.twitter.com/c8aTzYOhWU

— Mesut Özil (@M10) July 22, 2018