Overmars: Sanchez mund të kthehet te Arsenali

Ish-ylli holandez i Arsenalit, Marc Overmars ka thënë se sulmuesi kilian, Alexis Sanchez mund të kthehet te Topçinjtë.

Overmars, i cili kaloi tre vjet në Arsenal midis viteve 1997 dhe 2000, beson se kiliani mund të pendohen për lëvizjen e tij te Manchester Unitedi.

“Unë kam respekt të madh për Alexisin, sepse ka bërë shumë mirë në Arsenal, ishte një vendim i mirë për t’u larguar”, ka thënë fillimisht Overmars për ADN Deportes .

Lexo po ashtu Të gjitha lajmet rreth Sanchezit

Sanchez gëzoi një sukses të konsiderueshëm në Arsenal, duke shënuar plot 80 herë në 166 paraqitje, por te Unitedi ka pasur krejt histori tjetër.

Spekulimet e fundit të mediave tashmë thonë që ai mund të largohet nga Djajtë e Kuq pas një ‘eksperimenti të dështuar’ në Old Trafford.

Kështu, holandezi Overmars është i mendimit se sulmuesi kilian mund të kthehet në Emirates dhe ta vazhdojë shkëlqimin.

Lexo po ashtu Katër klube të mëdha evropiane e duan Sanchezin

“Ky lloj i lojtarit ishte shumë i rëndësishëm për Arsenalin. Pas tij, Arsenali u përpoq të nënshkruante një lojtar të tillë, por nuk ia arritën, kështu që ai mund të kthehet në Arsenal”, përfundoi holandezi.

Sanchez nënshkroi kontratët për katër vite e gjysmë në Old Trafford, ndërsa ajo është valide deri në verën e vitit 2022. /Telegrafi/