Osimhen i fokusuar te Napoli, por nuk përjashton një transferim në Ligën Premier

Victor Osimhen këmbëngul se fokusi i tij i vetëm është te Napoli, por shtoi se çdo lojtar ka ambicie të luajë në Ligën Premier.

Historitë e interesit të ripërtërirë për golashënuesin më të mirë të Serie A, veçanërisht nga Liga Premier, kanë vazhduar të bëhen tituj gjatë javëve të fundit.

Të mërkurën, Manchester Evening News raportoi se trajneri i Djajve të Kuq, Erik ten Hag e ka bërë lojtarin nigerian prioritetin e tij të transferimit për verën.

Lexo po ashtu Ten Hag dëshiron të paktën dy transferime të mëdha në verë, prioritet një emër i madh në qendër të sulmit

I pyetur nga Corriere della Sera nëse do të dëshironte të luante një ditë në Angli, Osimhen u përgjigj pozitivisht.

“Mendoj se është një ambicie e të gjithë lojtarëve. Dhe kush e di, ndoshta një ditë. Tani për tani, mund t’ju siguroj se as që më ka shkuar në mendje. Do të më shpërqendronte nga ajo që ka qenë një sezon i bukur. Vetëm Napoli. Kjo është e gjitha”, ka thënë Osimhen.

Osimhen aktualisht qëndron i pa sfiduar në krye të listës së golashënuesve të Serie A me 19 gola nga 20 paraqitje në sezonin 2022/23.

Osimhen: «Vogliamo scudetto e Champions. La Premier? Credo sia un’ambizione di tutti i giocatori» https://t.co/SgjB0qNaC6

— informazione sport (@infoitsport) March 2, 2023

Reprezentuesi nigerian është gjithashtu në një seri prej tetë golash në ligë, duke kërkuar vetëm tre të tjera për të barazuar rekordin e Gabriel Batistuta prej 11 golave, i cili u vendos me Fiorentinën gjatë sezonit 1994/95.

Nëse Aurelio De Laurentiis dhe bordi i Napolit do ta lejonin Osimhen të largohej gjatë verës, ai do të kishte një çmim të lartë siç sugjeroi Presidenti i klubit në intervistën e tij të fundit javën e kaluar. /Telegrafi/