Një tren ka dalë nga shinat pranë Goppenstein në kantonin Valais në Zvicër pas një orteku.
Raportohet se është duke u zhvilluar evakuimi i trenit, i cili kishte afërsisht 80 pasagjerë në bord, shkruan GBN.
"Dalje nga shinat e trenit, me sa duket me persona të lënduar, operacioni është duke u zhvilluar, informacione të mëtejshme do të vijnë më pas", konfirmoi një zëdhënës i policisë kantonale të Valais.
Policia zvicerane konfirmoi se disa persona ishin plagosur gjatë incidentit.
Zyrtarët shtuan se do të publikojnë informacione të mëtejshme në lidhje me shkakun e aksidentit ose llojin e trenit të përfshirë në një kohë të mëvonshme.
Bëhet e ditur se treni ishte nisur nga Spiez. /Telegrafi/
