LAJMI I FUNDIT:

Organizohet Samiti i Arsimit dhe Aftësimit Profesional në Kosovë – VET Summit 2021

Organizohet Samiti i Arsimit dhe Aftësimit Profesional në Kosovë – VET Summit 2021

Për herë të parë në Kosovë, Klubi i Prodhuesve së bashku me Fondacionin BESA, do të organizoj Samitin e Arsimit dhe Aftësimit Profesional (AAP) me qëllim të diskutimit mbi rolin kyç të arsimit dhe aftësimit profesional në rritjen dhe zhvillimin e qëndrueshëm ekonomik të Kosovës.

“VET Summit 2021” mbahet me 29 dhe 30 qershor në ITP Park në Prizren.

Pjesë e samitit do të jenë forumet e diskutimit, prezantimi i shkollave të aftësimit profesional në vend dhe punëtoritë e ndryshme.

Të pranishëm do të jenë 150 kompani vendore dhe rajonale, institucionet qeveritare, ambasadorë, shoqatat e biznesit, donatorët ndërkombëtarë si dhe ekspertë me renome ndërkombëtare – për të diskutuar dhe shkëmbyer përvojat e tyre dhe për të parë praktikat më të mira për krijimin e një sistemi sa më të avancuar për AAP, i cili do të ndikon në zhvillim të qëndrueshëm ekonomik të vendit.

Edicioni i “VET Summit 2021” përkrahet nga USAID Kosovo Compete Activity, Projekti ESVET PRO – mbështetja e Bashkimit Evropian për Rikualifikimet Profesionale dhe Profesionet në AAP, Enhancing Youth Employment- EYE Project, Projekti ALLED 2 dhe Kosovo Challenge Fund. /Telegrafi/