Tri organizata për të drejtat e njeriut kanë paraqitur ankesa ndaj grupit paramilitar Wagner për torturat që i kanë bërë ndaj të burgosurve në Siri.
Kjo ankesë kundër Wagner është vazhdimësi e disa çështjeve të hapura në Evropë që lidhen me torturat e zyrtarëve të regjimit sirian, pas ndërhyrjes ushtarake të Moskës në vitin 2015.
Wagner udhëhiqet nga Yevgeny Prigozhin, i njohur si “Kuzhinieri i Vladimir Putinit”, për shkak të kontratave për furnizim me ushqim të Kremlinit.
Prigozhin, 59-vjeç, është sanksionuar nga Shtetet e Bashkuara të Amerikës për lidhjet e tij me këtë grup mercenar.
“Kjo ankesë është e rëndësishme sepse nuk kemi të bëjmë me një krim të vetëm. Kjo është një valë e tërë pandëshkueshmërie. Ata që shpëtojnë nga ndëshkimi pasi i kanë kryer këto krime, u jepet mundësia që t’i përsërisin ato në vende si Çeçenia, Ukraina lindore dhe Siria. Në fund ata kthehen në Rusi dhe janë midis nesh”, i tha AFP-së, Alexander Cherkasov një nga përfaqësuesit që paraqiten ankesën.
Megjithëse grupet paramilitare janë të paligjshme në Rusi, Wagner viteve të fundit ka luajtur një rol në mbështetjen dhe realizimin e ambicieve të Kremlinit jashtë vendit.
Moska nuk i ka konfirmuar kurrë raportet e mercenarëve të Wagner, por ka pohuar se që nga operacioni i saj i nisur në Siri, 112 trupa ushtarake ruse kishin vdekur.
Në një deklaratë, Federata Ndërkombëtare për të Drejtat e Njeriut (FIDH), Qendra siriane për Media dhe Lirinë e Shprehjes thanë se ata kishin mbledhur prova që tregojnë se Wagner është i përfshirë në këto krime.
“Qeveria ruse duhet të marrë përgjegjësitë e saj ligjore dhe morale për krimet e kryera nga ushtria e saj, duke përfshirë grupe private të përfshira në operacionet e jashtme ushtarake nën komandën e saj, të tilla si Wagner”, tha drejtori i përgjithshëm dhe themeluesi i Qendrës siriane për Media dhe Lirinë e Shprehjes, Mazen Darwish.
Ilya Novikov, një nga avokatët e çështjes tha se, Rusia është e detyruar që sipas kushtetutës së saj të hetojë krimet e kryera nga qytetarët e saj jashtë vendit, duke shtuar se, “Komiteti Hetimor deri më tani nuk ka filluar ndonjë hetim të krimeve në fjalë”.
Duke pasur parasysh sinkronizimin e operacioneve të lajmeve të rreme të Prigozhinit dhe qeverisë ruse, përpjekja e Kremlinit për të mohuar operacionet e tij, tregohet po aq e papranueshme sa përpjekjet e saj për t’u distancuar nga ndërhyrjet e jashtme të grupit paraushtarak Wagner.
Promo
Reklamo këtuLufta Prigozhin - Putin
Më shumë‘Hakmarrja’ e Izraelit ndaj Iranit - gjithçka që ndodhi në ditën kritike
Treni në Japoni u nis me 17 minuta vonesë: Kur pasagjerët dëgjuan arsyen, askush nuk u zemërua
Pas ‘hakmarrjes’ së Izraelit ndaj Iranit, reagon shefi i NATO-s
Ky është heroi më i ri i Dubait - ai shpëton një familje që kishte ngecur në veturë shkaku i përmbytjeve
Pamjet satelitore tregojnë se nuk ka dëme të mëdha në Isfahan të Iranit
Izraeli e njoftoi në minutën e fundit SHBA-në për sulmin ndaj Iranit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
‘Hakmarrja’ e Izraelit ndaj Iranit - gjithçka që ndodhi në ditën kritike
Serwer tregon se pse Serbia i frikësohet anëtarësimit të Kosovës në Këshillin e Evropës
Barcelona po nënshkruan mega-kontratë, ajo do t'i sjellë klubit mbi një miliard euro
Treni në Japoni u nis me 17 minuta vonesë: Kur pasagjerët dëgjuan arsyen, askush nuk u zemërua
Pas ‘hakmarrjes’ së Izraelit ndaj Iranit, reagon shefi i NATO-s
Von Cramon: Nëse Kosova e Serbia përfitojnë më shumë nga moszbatimi i marrëveshjeve, vështirë të bëhet diçka në Bruksel