LAJMI I FUNDIT:

Grupi për Siguri dhe Barazi Gjinore dënon gjuhën fyese ndaj Bogujevcit, pas fjalimit të saj për mëmësinë

Grupi për Siguri dhe Barazi Gjinore dënon gjuhën fyese ndaj Bogujevcit, pas fjalimit të saj për mëmësinë

Deklarata e nënkryetares së Kuvendit, Saranda Bogujevci, në seancën e së enjtes lidhur me mëmësinë ka ngjallur reagime të shumta.

Teksa po diskutohej për Projektligjin për shëndet riprodhues dhe fertilizim të asistuar mjekësor, Bogujevci tha se nuk duhet medoemos të ketë një burrë me të cilin martohet për t’u bërë nënë. Ajo gjithashtu tregoi se i beson shkencës, e cila ia mundëson një gruaje të bëhet nënë pa pasur nevojë për një burrë.

Kjo deklaratë ka nxitur reagime të shumta në rrjete sociale, madje ka pasur edhe ofendime në drejtim të Bogujevcit.

Deputeti i LVV-së kundër Ligjit për shëndet riprodhues, i reagon Bogujevci: Nuk duhet medoemos të kem burrë me të cilin martohem për t'u bërë nënë
Lexo po ashtu Deputeti i LVV-së kundër Ligjit për shëndet riprodhues, i reagon Bogujevci: Nuk duhet medoemos të kem burrë me të cilin martohem për t'u bërë nënë

Lidhur me këtë ka reaguar Grupi për Siguri dhe Barazi Gjinore (GSBGJ), duke dënuar reagimet fyese dhe seksiste ndaj nënkryetares së Kuvendit.

“Grupi për Siguri dhe Barazi Gjinore (GSBGJ) i dënon reagimet fyese dhe seksiste ndaj nënkryetares së Kuvendit të Kosovës Saranda Bogujevci, të bëra në rrjetet sociale pas një debati në Parlamentin e Kosovës që u zhvillua me 9 mars, ku u diskutua për të drejtat e grave për të lindur fëmijë përmes asistencës mjekësore”, thuhet në komunikatën për media.

Tutje, theksohet se disa nga mesazhet e shprehura në publik dhe në internet përbëjnë sulm ndaj grave në përgjithësi dhe mund të përbëjnë gjuhë të urrejtjes.

“Parlamenti nuk duhet të lërë hapësirë për diskurs ofendues që synon individë ose grupe të bazuara në karakteristika të qenësishme. Çështja e shëndetit riprodhues të grave definohet dhe sqarohet nga Konventa për Eliminimin e të Gjitha Formave të Diskriminimit ndaj Grave (CEDAW) e cila pasqyrohet në nenin 22 të Kushtetutës së Kosovës dhe si e tillë është drejtpërdrejt e zbatueshme”, thuhet mes tjerash.

“CEDAË njeh dhe mbron të drejtën e grave për shëndet, duke përfshirë shëndetin e tyre seksual dhe riprodhues.  Përveç kësaj, Ligji për Barazi Gjinore përcakton qartë se diskriminimi gjinor i drejtpërdrejtë ose i tërthortë është i ndaluar, duke përfshirë këtu trajtimin më pak të favorshëm të grave për shkak të shtatzënisë dhe amësisë, statusit martesor, kombësisë, racës, aftësisë së kufizuar, orientimit seksual, statusit social, besimit fetar, moshës ose çdo bazë tjetër e përcaktuar me ligj ose marrëveshje dhe instrumente ndërkombëtare në fuqi”.

GSBGJ u ka bërë thirrje institucioneve përkatëse që të respektojnë angazhimet e tyre që rrjedhin nga dokumentet ndërkombëtare dhe të sigurohen që të gjitha gratë dhe vajzat të mbrohen nga diskriminimi dhe rastet e gjuhës së urrejtjes.  /Telegrafi/

Në trend Lajme

Më shumë
Pse Mali i Zi votoi kundër Kosovës në KiE, flet Dritan Abazoviq

Pse Mali i Zi votoi kundër Kosovës në KiE, flet Dritan Abazoviq

Lajme
Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër

Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër

Lajme
Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia

Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia

Lajme
Aktivitete nga Serbia për sulm “hibrid” ndaj Kosovës,

Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët

Siguri
Tha se ditë të vështira e presin Serbinë, Vuçiq: Nesër ose pasnesër i merrni përgjigjet

Tha se ditë të vështira e presin Serbinë, Vuçiq: Nesër ose pasnesër i merrni përgjigjet

Lajme
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Kalo në kategori