Mungesa e një strehimi afatgjatë për viktimat e dhunës në familje, po arsyetohet me mungesën e fondeve të pamjaftueshme për institucionet lokale.
Ndonëse ndër vite janë hartuar e miratuar strategji të ndryshme për parandalimin e dhunës në familje, ato kanë mbetur vetëm si të tilla, e të pazbatueshme në praktikë.
Në strategjinë e vitit 2016-2020, të Ministrisë së Drejtësisë thuhet se objektet të cilat konfiskohen nga Agjencia për Administrimin e Pasurisë së Sekuestruar, duhet t’iu jepen në shfrytëzim viktimave të dhunës.
Por kjo pikë, është përmendur edhe në strategjinë e re të miratuar këtë vit në Qeveri, e cila nuk ka gjetur zbatim.
Nga Agjencia për Administrimin e Pasurisë së Sekuestruar ose të Konfiskuar, kanë thënë se në lidhje me objektet të cilat janë konfiskuar këtë vit dhe viteve të kaluara, përgjigje duhet të jap Ministria e Drejtësisë.
Por, zëvendësministrja e Drejtësisë, Nita Shala ka thënë se në lidhje me banimin social duhet të përgjigjet vetëm kabineti i ministres, derisa ka përmendur një sërë ligjesh që janë duke hartuar për mbrojtjen e viktimave të dhunës në familje.
“Në funksion të realizimit të prioritetit qeveritar të parandalimit dhe adresimit të dhunës në familje dhe dhunës ndaj grave, fokus i punës është:
1- Rishikimi i bazës ligjore të aplikueshme, që të jetë në linjë me standardet ndërkombëtare. Si rrjedhojë, jemi angazhuar që të hartohet projektligji për mbrojtje nga dhuna në familje dhe dhuna ndaj grave, të rishikohet projektligji për ndihmë juridike falas si dhe finalizohet analiza GREVIO nga ekspertët e Këshillit të Evropës për të kuptuar se si qëndrojmë në zbatim të Konventës së Stambollit. 2- Përmirësimi i përgjigjes institucionale në rastet e raportuara të dhunës në familje, përmes takimeve e dakordimeve në Grupin Koordinues Ndër-Ministror. Me të njëjtit kemi dakorduar Strategjinë Kombëtare për Mbrojtje nga Dhuna në Familje dhe Planin e Veprimit 2022-2024, me 144 aktivitete për tu realizuar brenda një periudhe 3 vjeçare. Fokus i punës ka qenë dhe angazhimi për tu siguruar që e njëjta po zbatohet. 3- Sensibilizimi i përgjithshëm kundër dhunës, duke marrë pjesë në tryeza diskutime, lajme në media dhe zhvilluar takime tjera konsultative”, ka thënë Shala.
Që këto strategji nuk po gjejnë zbatueshmëri në nivel të duhur, e thonë edhe në Rrjetin e Grave të Kosovës, derisa tregojnë se është duke u hartuar edhe Projektligj për Banimin Social.
“Përveç këtyre objekteve afariste, ka edhe objekte të tjera të cilat komuna zotohet, në kuadër të strategjisë për mbrojtje nga dhuna në familje, që mundet me i rezervuar ose të paktën edhe strehimoreve me i asistuar me pagesë, të qerasë, për me përfshi në mbrojtje sa më shumë në mbrojtje sa më shumë viktima të dhunës në familje, një gjë e tillë po çalon mirëpo prap po shpresojmë, që Ligji në ardhje që është Ligji për Banimin Social, ka me i bë të qarta përgjegjësitë e komunës”, ka thënë Valmira Rashiti nga Rrjeti i Grave të Kosovës.
“Urojë dhe shpresojë që në strategjinë që tash jemi duke e punuar ne i kemi specifikuar edhe kemi kërkuar ndarjen e banesave sociale ekskluzivisht vetëm për viktimat e dhunës në familje”, ka thënë drejtoresha e strehimores “Shtëpia e Sigurt”, Erblina Dinarama.
Viktimat e dhunës nuk mund të qëndrojnë më shumë se 1 vit në strehimore, derisa pak komuna u ofrojnë banim afatgjatë atyre. Nga Asociacioni i Komunave të Kosovës, arsyetohen se nuk kanë buxhet të mjaftueshëm.
“Komunat në bazë të mundësive të tyre financiare, i përkrahin aktivitet që ndërlidhen me këtë fenomen, komunat i subvencionojnë, strehimoret me aq sa kanë kapacitete financiare, duhet që limitet buxhetore caktohen nga niveli qendror pothuajse për çdo aktivitet dhe për këtë raste komunat me aq sa kanë mundësi”, ka thënë Sazan Ibrahimi nga Asociacioni i Komunave të Kosovës.
Nga Policia e Kosovës kanë thënë se që nga janari e deri në korrik të këtij viti kanë qenë 1 mijë e 574 raste të dhunës në familje, e në vitin e kaluar kanë qenë të raportuara në këtë institucion, 2 mijë e 456 raste./RTV Dukagjini/
Promo
Reklamo këtuLufta Prigozhin - Putin
Më shumëNga Rubrika
Aksion në orët e hershme të mëngjesit në Podujevë – arrestohet personi i kërkuar, i dënuar me tri vite burgim
U raportua nga gruaja për dhunë, Inspektorati policor thotë se po e heton drejtorin kundër trafikimit me njerëz në Policinë e Kosovës
Ndalohet njëri nga të dyshuarit për vjedhjen e një kasaforte në Shkup
U gjuajtën me armë derisa ishin në veturë, detaje nga rasti që ndodhi në Prishtinë
Policia serbe e dërgon në paraburgim mërgimtarin nga Gjakova që e arrestoi në kufi
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
Arrestimi i zv.drejtorit të Policisë së Kosovës, analistët në Beograd: "Shfaqja e muskujve" nga Vuçiqi
Maqedonci ngre alarmin: Tensionet vazhdojnë, Serbia nesër do të testojë dronë kamikazë në kufi me Kosovën
Kosova bëhet me 445 policë të rinj - deklarata e presidentes, kryeministrit dhe pamje nga ceremonia
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë janë retë artificiale dhe a shkaktuan përmbytjet e mëdha në Dubai?
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
Zyrtare: Serie A do të ketë pesë skuadra në Ligën e Kampionëve për sezonin 2024/25
Policia serbe e dërgon në paraburgim mërgimtarin nga Gjakova që e arrestoi në kufi