Olmo nuk dëshiron rikthimin në La Liga, zgjedh kampionatin ku do të luajë

E ardhmja e sulmuesit spanjoll Dani Olmo ka qenë një temë diskutimi në botën e futbollit, veçanërisht me klauzolën e lirimit prej 60 milionë eurosh në kontratën e tij me Leipzig.

Kjo shifër nuk paraqet ndonjë problem në tregun aktual të transferimeve dhe kjo ka bërë që shumë klube të mëdha të vihen pas tij.

Sipas gazetarit të Bild, Christian Falk, Olmo po mendon seriozisht një transferim të mundshëm në Ligën Premier këtë verë, duke mos konsideruar rikthimin në vendlindje.

Lexo po ashtu E duan Reali dhe Barcelona, por një skuadër angleze është në përparësi për të nënshkruar me Dani Olmon

25-vjeçari po kërkon të hedhë hapin tjetër në karrierën e tij dhe të luajë në Ligën Premier do t’i jepte mundësinë të përballet me disa prej yjeve më të mirë në botë.

Chelsea, Man City, Tottenham Hotspur dhe Manchester United janë katër top skuadrat angleze që kanë shprehur interesim për transferimin e spanjollit.

Lexo po ashtu Barcelona do të bëj tjetër përpjekje për transferimin e Dani Olmos

Olmon e duan edhe dy gjigantët spanjoll Real Madrid dhe Barcelona, por qëllimi i tij është të luaj në elitën e futbollit anglez.

Reprezentuesi spanjoll ka humbur 18 ndeshje këtë edicion shkaku i lëndimit, por në 22 sa i ka zhvilluar në të gjitha garat ka shënuar tetë gola dhe ka asistuar në pesë të tjerë. /Telegrafi/