Sipas angazhimeve aktuale për të reduktuar emetimet e gazrave serrë, temperaturat globale do të rriten me 2.7 gradë Celsius deri në fund të shekullit, sipas një raporti të Kombeve të Bashkuara të publikuar sot.
Në samitin e klimës COP26 që mbahet javën e ardhshme, liderët botërorë do të diskutojnë angazhime më ambicioze për të reduktuar emetimet e gazeve serrë, me qëllimin për të kufizuar ngrohjen globale në dy gradë mbi nivelet para-industriale.
Përpara samitit dyjavor në Glasgou, i cili fillon të dielën, Organizata Botërore Meteorologjike njoftoi se përqendrimi i gazeve serrë arriti vlera rekord vitin e kaluar dhe se bota është larg kufijve të ngrohjes globale.
Raporti vjetor i Programit të Kombeve të Bashkuara për Mjedisin (UNEP), i cili mat hendekun midis emetimeve të pritshme dhe emetimeve të rënë dakord nga Marrëveshja e Parisit 2015, thekson se premtimet e reja për emetimet e parashikuara për 2030 janë reduktuar me 7.5% shtesë në krahasim me angazhimet e mëparshme.
Nëse trendi vazhdon deri në fund të shekullit, temperatura globale do të rritet me 2.7 gradë, që është pak më pak se tri gradë nga parashikimi i UNEP-it të vitit të kaluar.
Nevojitet një reduktim prej 30% në emetimet e gazrave serrë për të kufizuar ngrohjen në dy gradë, si dhe një reduktim prej 55% për të kufizuar ngrohjen në 1.5 gradë.
Vendet e G20-së, përgjegjëse për 80% të emetimeve globale, nuk do të përmbushin objektivat e vitit 2030 sipas treguesve aktualë.
“Nëse nuk do të ketë ulje të konsiderueshme të emetimeve në dekadën e ardhshme, ne do të humbasim përgjithmonë mundësinë për të arritur 1.5 gradë”, u tha mediave sekretari i Përgjithshëm i OKB-së, Antonio Guterres.
“Është absolutisht e nevojshme që të gjitha vendet e G20 të angazhohen për një reduktim 1.5 gradë para ose në Glasgou,” shtoi ai.
Të dhënat më të fundit të OKB-së tregojnë se 143 vende, të cilat përbëjnë rreth 57% të emetimeve globale, kanë paraqitur plane të reja ose të përditësuara për reduktimin e emetimeve përpara samitit COP26, i cili do të çonte në një reduktim prej 9% të emetimeve të këtyre vendeve deri 2030, krahasuar me vitin 2010.
Nëse merren së bashku të gjitha premtimet e 192 vendeve sipas Marrëveshjes së Parisit, emetimet globale pritet të rriten me rreth 16% deri në vitin 2030 në krahasim me vitin 2010, gjë që do të çonte në një ngrohje me rreth 2.7 gradë.
Kina dhe India, së bashku përgjegjëse për rreth 30% të emetimeve globale, nuk janë zotuar ende për reduktime të mëtejshme të emetimeve të gazeve serrë.
Promo
Reklamo këtuLufta Prigozhin - Putin
Më shumë“Hakmarrja” e Izraelit ndaj Iranit – të gjitha zhvillimet, minutë pas minute
Ministri ekstremist izraelit e përshkruan me një fjalë sulmin e Izraelit ndaj Iranit
Izraeli sulmon Iranin me raketa
Rreziku për luftë gjithëpërfshirëse në Lindjen e Mesme më i madh se kurrë, paralajmëron mediumi britanik
Një fshat i vogël është bërë i famshëm në Itali: Atje dielli nuk bie kurrë, por vendasit kanë një ide gjeniale
Pamjet e para nga sulmi izraelit drejt Iranit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë janë retë artificiale dhe a shkaktuan përmbytjet e mëdha në Dubai?
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
Zyrtare: Serie A do të ketë pesë skuadra në Ligën e Kampionëve për sezonin 2024/25
Policia serbe e dërgon në paraburgim mërgimtarin nga Gjakova që e arrestoi në kufi