Imazhet e shkrepura në bregdetin e Wales, tregojnë fenomenin e rrallë kur sipërfaqja e detit është ndriçuar nga një dritë e kaltër, nga algat me bioluminishencë.
Paul Jonson i ka fotografuar gjallesat rrezatuese, teksa lëviznin në një hapësirë të Irish Sea të Anglesey, transmeton Telegrafi.
Temperatura e lartë e ujit, ka bërë që algave t’ju aktivizohet mekanizmi mbrojtës, që shoqërohet me një ndriçim të kaltër, për t’i frikësuar sulmuesit e mundshëm.
Fotografitë e rralla janë shkrepur rreth orës dy pas mesnatës, ndërsa temperatura ishte 22 gradë Celsius.
“Pasi i postova fotografitë, mijëra njerëz shkuan në atë bregdet që ta shohin këtë aktivitet të rrallë. Por, asnjëri nuk e pati mundësinë time”, ka shkruar Jonson.
Mësohet se i njëjti fenomen, është bërë së fundmi vetëm edhe në pesë shtete tjera. /Telegrafi/
