Nuk mjafton as dorëheqja e qeverisë së Kazakistanit, protestuesit djegin zyrën e kryetarit të Almatyt

Protestuesit që kërkonin t’i jepet fund çmimeve të larta të karburantit në vend hynë në zyrën e kryetarit të bashkisë në qytetin më të madh të Kazakistanit, Almaty ndërsa trazirat vazhduan të tronditnin vendin e Azisë Qendrore.

Demonstruesit që u mblodhën në zyrën në Almaty mbanin shkopinj dhe mburoja. Policia hodhi granata shokuese dhe gaz lotsjellës në drejtim të turmës ndërsa njerëzit shtynin barrikadat metalike në rrugë.

Lexo po ashtu Ngritet çmimi i gazit, kaos në Kazakistan - dorëhiqet qeveria, presidenti shpall gjendjen e jashtëzakonshme

Më 1 janar, çmimet për gazin e lëngshëm të naftës (LPG), i cili përdoret për të fuqizuar shumë automjete pasi është mbajtur më lirë se benzina, afërsisht u dyfishuan pasi qeveria përfundoi një zhvendosje nga kontrollet e çmimeve.

Scene from a street in #Almaty, #Kazakhstan, tonight: police vehicle is on fire

pic.twitter.com/4A9r0QSapP

— Alex Kokcharov (@AlexKokcharov) January 4, 2022

Masa ka nxitur demonstrata të përsëritura si në Almaty ashtu edhe në kryeqytetin Nur-Sulltan, raporton dw.

Qeveria e kryeministrit Askar Mamin ka dhënë dorëheqje dhe presidenti Kassym-Jomart Tokayev shpalli gjendjen e jashtëzakonshme në Almaty, duke vendosur një shtetrrethim brenda natës dhe duke kufizuar hyrjen në qytet. Kazakistani vendosi gjithashtu kufizime të përkohshme në çmimet e LPG-së.

Garda kombëtare dhe njësitë e ushtrisë janë bashkuar me policinë për të siguruar qytetin.

Më shumë se 200 persona janë arrestuar dhe të paktën 95 policë janë plagosur në përleshjet. /Telegrafi/

VIDEO: 🇰🇿 Thousands take to the streets of Kazakhstan's largest city #Almaty, marching towards the main city administration building after a night of unprecedented unrest across the Central Asian nation that followed an energy price hike pic.twitter.com/K5OI5T3u5i

— AFP News Agency (@AFP) January 5, 2022