Noizy thotë se i kushtoi mbi gjysmë milioni euro koncerti në Tiranë: Isha sponsor gjeneral vet

Reperi i njohur shqiptar, Noizy, shënoi një nga momentet më kulminante të karrierës së tij ditë më parë kur organizoi koncertin më të madh në jetë, të quajtur “Alpha Show”.

Mes shumë artistësh vendorë që ishin të ftuar krah tij për të performuar, Noizy realizoi atë që lirisht mund të thuhet si mbrëmja më e madhe muzikore e karrierës së tij.

E duket se organizimi i një koncerti të tillë ka qenë një investim i madh për reperi nga Shqipëria, shifra e organizimit për të cilin ka tejkaluar blerën e 500 mijë eurove.

Këtë e ka bërë të ditur vet reperi, emri i vërtetë i të cilit është Rigels Rajku, gjatë një interviste për Euronews Albania.

“Ishte një shifër mbi gjysmë milionë euro, isha sponsor gjeneral vetë se nuk kishte njëri ta merrte përsipër. Ideja është që nëse nuk vjen me shifrën e duhur, më mirë mos e bëj. E vendosa nga fillimi që ato lekë do t’i investoja. Nuk prita që gjatë rrugës do nxjerr dhjamë nga pleshti, i quajtura të humbura ato para pavarësisht si do shkonte”, tha deklaroi Noizy.

Ndërkohë, i pyetur se a i është shpaguar e gjithë mbrëmja, reperi i hitit “Gangsta Love” deklaroi se ende nuk e di saktë se sa kanë qenë fifimet nga “Alpha Show”. /Telegrafi/