Presidenti amerikan Donald Trump të hënën e quajti gabimisht një udhëheqës suprem të Iranit i cili ka qenë i vdekur që nga viti 1989, duke e përmendur si objektiv i sanksioneve të reja amerikane.

Sipas Business Insider, përcjell Telegrafi, duke “harruar” një pjesë të emrit në një konferencë shtypi në Zyrën Ovale, Trump tha se po sanksiononte “Ayatollah Khomeini” të Iranit.

Siç thuhet tutje, ai donte të thoshte Ajatollah Ali Khamenei, udhëheqësin aktual suprem, siç konfirmohet nga një transkript i Shtëpisë së Bardhë dhe një deklarim nga Thesari i SHBA-së.

Ndryshe, Khomeini udhëhoqi Iranin si udhëheqës suprem nga Revolucioni Islamik në vitin 1979 deri në vdekjen e tij në vitin 1989.

“Sanksionet e vendosura nëpërmjet urdhrit ekzekutiv që unë jam gati për të nënshkruar do të mohojnë udhëheqësin suprem dhe zyrën e liderit suprem, dhe ata të lidhur ngushtë me të dhe zyrën, nga qasja në burime të rëndësishme financiare dhe mbështetje. Asetet e Ayatollah Khomeini dhe zyra e tij nuk do të kursehen nga sanksionet”, citohet të ketë thënë Trump. /Telegrafi/