Njihuni me qytetin e vogël belg ku po prodhohet vaksina e Pfizer kundër COVID-19

Kryetari i qytetit të vogël belg që prodhon vaksinën e Pfizer/BioNTech për COVID-19 i tha Euronews se ata janë krenarë që po e “shpëtojnë botën” me prodhimin e saj.

Koen Van den Heuvel, i cili ka qenë kryetari i Bashkisë së Puurs për 24 vitet e fundit, tha se vendasit ndjejnë një krenari se diçka që mund të shpëtojë miliona jetë po prodhohet në qytetin e tyre, përcjell Telegrafi.

“Ka një shpresë të re. Shpresoj që qyteti ynë të ketë një nga 50 qendrat e vaksinimit sepse për mua është shumë e rëndësishme që njerëzit të mund të shkojnë diku afër për një vaksinë”.

I vendosur në rajonin e Flanders të Belgjikës, qyteti është shtëpia e një grupi të kompanive farmaceutike, përfshirë Pfizer.

Të paktën 5,000 nga 16,000 banorët punojnë në një nga firmat e ilaçeve në Puur, kështu që kryetari i bashkisë së tij është më se i lumtur të plotësojë ndonjë prej kërkesave të tyre.

“Për mua, është një përparësi të kem marrëdhënie të mira me kompaninë dhe unë do të bëj çmos për ta bërë atë kur Pfizer kërkon diçka”, ka thënë Van Der Heuvel. “Ne madje zgjidhëm çështjen e një rruge, në mënyrë që Pfizer të mund të lidhte dy nga pjesët e saj. Ne gjithashtu dhamë licenca për të instaluar dy turbina ere”.

Fabrika e prodhimit është vendosur në mënyrë strategjike midis aeroportit të Brukselit dhe portit të Antwerpen për të lejuar qëllimisht shpërndarjen e shpejtë globale të vaksinës.

Por ka edhe sfida logjistike për këtë kandidat të veçantë, përcjell Telegrafi.

Ai duhet të transportojë vaksinat në minus -70C gradë, kështu që kontejnerë të veçantë me akull të thatë janë krijuar për të garantuar transport të sigurt nga ajri dhe toka.

Dhe për këtë Pfizer i tha Euronews: “Ne kemi zhvilluar inovacione në paketim dhe ruajtje që të jenë të përshtatshme për qëllime për gamën e vendeve ku ne besojmë se do të bëhen vaksinimet”.

“Ne do të përdorim sensorë termikë të mundësuar nga GPS me një kullë kontrolli që do të gjurmojë vendndodhjen dhe temperaturën e secilës dërgesë vaksine nëpër rrugët e tyre të paracaktuara”.

Ndryshe, BE ka porositur 200 milionë doza, por dërgesat e para tashmë kanë shkuar në Mbretërinë e Bashkuar këtë javë, kështu që banorët e Puurs nuk do të jenë nga të parët që do të marrin vaksinën.

Sidoqoftë, Pfizer synon të japë deri në 50 milionë doza në vitin 2020 dhe deri në 1.3 miliard doza në 2021.

BE po shqyrton gjithashtu bashkëpunimin e mundshëm me iniciativën e OBSH-së, COVAX, e cila synon të garantojë qasjen në vaksina për vendet me të ardhura të ulëta. /Telegrafi/