Njerku është arrestuar nga policia në lindje të Kinës, për faktin se ka rrahur për vdekje vajzën 4-vjeçe vetëm pse kishte urinuar në pantallona.

Ky burrë kishte goditur për vdekje vogëlushen me shkop bambuje si ndëshkim për atë se kishte urinuar pantallonat, ka njoftuar policia kineze në provincën Anhui, transmeton Telegrafi.

Sikur kjo të mos mjaftonte, ai më pas është munduar ta fsheh krimin duke e varrosur në maje të një kodre, kurse fqinjët në fshatin Wugang kishin filluar të dyshojnë për aktin kriminal kur vajza për disa ditë nuk u shfaq fare.

Burri i identifikuar si Wu Weibao është arrestuar nga policia më 31 janar, pasi policët filluan të hetojnë pas thashethemeve se mund ta ketë vrarë vajzën.

“Derisa një nga ekipet tona patrulluese ishin në fshat, shumë banorë na thanë se dyshojnë se Wu ka vrarë vajzën e gruas së tij”, ka deklaruar një zyrtar policor.

Policët kishin detyruar Wu të tregojë se ku gjendej vajza e vogël e identifikuar vetëm si Li, dhe kur refuzoi ta bëjë një gjë të tillë e dërguan në stacion të policisë.

Megjithatë pas intervistimit pranoi se vajza kishte urinuar pantallonat dy herë në ditën e njëjtë, duke e nervozuar kështu Wu që e kishte rrahur brutalisht me shkop të bambusë.

Por, ky veprim nuk i kishte mjaftuar dhe kështu e kishte lidhur me litar në derë dhe ia kishte mbyllur gojën me ngjitës me qëllim që mos ta dëgjojnë fshatarët duke bërtitur.

Të nesërmen Wu e ka gjetur vogëlushen të vdekur dhe duke u munduar t’i shpëtojë burgut, e kishte varrosur në maje të një kodre të fshatit. Megjithatë, pas presionit ka pranuar të tregoj se ku e kishte varrosur. /Telegrafi/