Njëherë paralajmëroi banorët, e më vonë izraelitët i bënë shkrumb e hi lagje të tëra në Gazë

Izraeli i ka bërë shkrumb e hi lagjet të tëra në pjesën veriore të Rripit të Gazës, pasi që familjet palestineze që ishin akoma atje u është dhënë një paralajmërim që të ikin, derisa pritet që të fillojë edhe ofensiva në tokë nga izraelitët në Rripin e Gazës.

Në Washington presidenti amerikan Joe Biden i cili është rikthyer nga udhëtimit në Izraeli, ka kërkuar nga amerikanët në një adresim publik që të shpenzojnë miliardë dollarë për ta ndihmuar Izraelin në luftën kundër Hamasit, për të cilët ha se duan të shkatërrojnë demokracinë izraelite, transmeton Telegrafi.

Në anën tjetër, Izraeli është zotuar se do ta heq nga faqja e dheut Hamasin që kontrollon me Gazën, pasi që militantët e këtij grupi kryen një sulm të befasishëm mbi qytetet izraelite më 7 tetor.

Lexo po ashtu Politikani izraelit: Do ta fitojmë këtë luftë, më pas Rusia do ta paguajë çmimin

“Tani po e shihni Gazën nga distanca, së shpejti do ta shihni nga brenda”, u tha ministri izraelit i Mbrojtjes Yoav Gallant ushtarët të vendit të tij që janë grumbulluar në kufirin me Gazën.

Izraeli kreu sulme ajrore mbi qytetin e Gazës dhe rrethoi plotësisht enklavën me 2.3 milionë palestinezë, duke ua ndaluar edhe kamionët me ushqim që të futen në atë rajon, sikurse edhe barna dhe gjësendet tjera esenciale për jetë.

Nga 7 tetorit janë vrarë 3785 palestinezë, përfshirë mbi 1.500 fëmijë, kështu të paktën pretendojnë palestinezët. E nga Kombet e Bashkuara thonë se mbi një milion prej tyre kanë mbetur pa kulm mbi kokë.

Lexo po ashtu Ushtria izraelite bëri rrafsh me tokë 100 objektiva në Rripin e Gazës, publikon pamjet

Izraelit urdhëroi të gjithë civilët që të evakuohen nga pjesa veriore e Rripit të Gazës, që përfshin qytetin e Gazës, por shumë prej tyre kanë vendosur të qëndrojnë me pretekstin se frikësohen që mund të humbin gjithçka nëse largohen, apo do të jenë objektiv i sulmeve ajrore izraelite në jug te Gazës. /Telegrafi/

🇮🇱🇵🇸 In one night, Israeli military planes destroyed 25 buildings in the Al-Zahra residential neighborhood in central Gaza, resulting in the complete devastation of the entire area

As a result, 6,000 people are now displaced and seeking shelter in the streets. pic.twitter.com/P1NuyyZOcS

— The Saviour (@stairwayto3dom) October 20, 2023