Një i vdekur e pesë të lënduar nga aksidenti i rëndë në Fushë Kosovë, policia jep detaje

Gjashtë persona kanë marrë lëndime trupore, ku njëri prej tyre nga ndërruar jetë në QKUK si pasojë e një aksidenti i cili ka ndodhur mes pesë veturash të shtunën rreth orës 23:05 në rrugën “Prishtinë”, Fushë Kosovë.

Sipas raportit të Policisë së Kosovës njëri nga të lënduarit është zyrtar policorë, mirëpo ka qenë jashtë detyrës zyrtare.

Lexo po ashtu Vdes në QKUK njëri nga të të lënduarit në aksidentin e mbrëmshëm në Zonën Industriale

“Ka ndodhë aksident trafiku rrugor me fatalitet në të cilin kanë qenë të përfshira pesë automjete, katër me targa vendore me ngasës meshkuj kosovar dhe një me targa të huaja me ngasës mashkull kosovar zyrtar policor jashtë detyrës zyrtare. Si pasojë e aksidentit lëndime trupore kanë pësuar tre ngasës të automjeteve dhe tre pasagjer të një automjeti të cilët kanë pranuar tretman mjekësor. Si pasoj e lëndimeve të marra në aksident njëri prej drejtuesve të automjeteve të përfshira në aksident viktima mashkull kosovar me datën 23.06.2024 rreth orës 13:30 ka ndërruar jetë në QKUK”, thuhet në raport.

Tutje bëhet e ditur se trupi i pajetë i viktimës me urdhër të prokurorit është dërguar në IML për obduksion. /Telegrafi/