Për përgatitje do t’ju nevojiten vetëm tre përbërës
Efekt më i mirë arrihet te shndritja e flokëve ngjyrë kafe të lehtë - me një tretman ngjyra e flokëve ndryshon për 2 – 3 nuanca.
Zeshkanet patjetër duhet të kenë durim dhe të përsërisin procedurën disa herë, trasnmeton Telegrafi.
Për përgatitjen e kësaj maske do t’ju nevojiten:
- 3 lugë supe mjaltë;
- 3 lugë supe kanellë;
- 5 – 6 lugë supe balsam për flokë.
Përzieni mjaltin dhe kanellën. Përzieni ngadalë që të bashkohen mirë.
Kur tretja të bashkohet mirë, shtoni balsamin tuaj (regjeneratorin) për flokë.
Përzieni sërish mirë. Tani kjo tretje është e gatshme për përdorim.
Lani flokët në mënyrën e zakonshme. Kur të thahen flokët, krihini me krehër të gjerë dhe ndani në tufa.
Qitni tretjen në flokë me brushë për ngjyrosje flokësh, duke u përpjekur që me themel ta ngjyrosni çdo tufë.
Vërejtje:
Kini kujdes, që të mos e qitni në fytyrë, sepse mund të shkaktojë skuqje të butë dhe irritim. Gjithashtu, mos e fërkoni tretjen në lëkurën e flokëve.
Kur ta keni vendosur maskën, flokët ngrini dhe mbështillni në gërshet të vogël. Vendosni sipër kapelën e dushit apo ndonjë qese.
Lëreni të qëndrojë 30 minuta dhe pastaj shpëlajeni. /Telegrafi/
